JASIN FƐ BOLƐ NGUNMIN KUN
?Ɲanmiɛn Sielɛ’n yó maan tukpacɛ’n wíe?
Dɔɔtrɔ bian kun suan Tedrɔsu Adanɔmun Gebreyesusu. Ɔ ti anuannzɛ nga be flɛ i Organisation mondiale de la santé i su kpɛn. Ɔ seli kɛ: “Kannzɛ bɔbɔ koronavirisi’n w’a kan ase’n, sanngɛ ɔ kwla mɛn i wun su ekun. […] Annzɛ i wunsu tukpacɛ uflɛ bá. I sɔ’n ti’n, maan e buabua e wun e sie.”—Afuɛ 2023, Mɛ i le 22.
Koronavirisi’n ti’n, lele nin andɛ’n sran’m be te tɔ tukpacɛ. ?Sɛ tukpacɛ m’ɔ sa ndɛndɛ’n uflɛ mɛn i wun su’n, awa mun nin anuannzɛ nga be yo sran’m be ayre’n bé kwlá jrɛ́n i ɲrun kekle? ?Be ngunmin be kwla yo maan tukpacɛ’m be wie?
Biblu’n kan awa kun m’ɔ́ wá yó maan sran’m be su tɔman tukpacɛ kun’n i ndɛ. Ɔ se kɛ: “Ɲanmiɛn m’ɔ o nglo lɔ’n, ɔ́ táka sielɛ kun.” (Daniɛli 2:44) Sielɛ sɔ’n ti awa kun. Kɛ ɔ́ wá síe sran mun’n, “sran fi su seman kɛ: ‘N kpinndinman.’” (Ezai 33:24) Sran’m be su tɔman tukpacɛ kun, yɛ bé yó kpínndinkpínndin kɛ gbanflɛn mun sa.—Zɔbu 33:25.
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Tukpacɛ nga be sa ndɛndɛ’n be su ndɛ benin yɛ Biblu’n kan-ɔn?
Sran wie’m be waan Ɲanmiɛn fa tukpacɛ nga be sa ndɛndɛ’n annzɛ tukpacɛ uflɛ wie mun fa tu sran’m be fɔ. Sanngɛ Biblu’n kleman sɔ.
NINNGE CINNJIN NGA BIBLU’N KLE BE’N
?Ngue yɛ be flɛ i Ɲanmiɛn Sielɛ’n niɔn?
I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
