“Saonari ma tikkina lao mengendalihon diri asa unang lam parah situasina jala lam berbahaya,” on ma na didok si António Guterres, Sekretaris Jenderal Perserikatan Bangsa-Bangsa, taringot serangan ni Iran tu Israel di ari Sabtu, 13 April 2024.

 Parporangan di Timur Tengah ma sada sian akka parporangan na masa di portibi on.

 “Mulai sian porang dunia na paduahon, saonari ma jumlah ni konflik dohot kekerasan na unggodang. Berdampak do i tu saparopat penduduk ni portibi on, hira-hira 2 miliar halak ma godang ni i.”—Dewan Keamanan Perserikatan Bangsa-Bangsa, 26 Januari 2023.

 Saonari terjadi do konflik manang porang di Israel, Gaza, Suriah, Azerbaijan, Ukraina, Sudan, Etiopia, Niger, Myanmar, dohot Haiti. a

 Andigan do sae akka porang on? Sanggup do akka pamaretta pasaehon akka porang i? Aha do na didok Bibel taringot i?

 Akka konflik na masa on sebenarna patuduhon na lao marujung do sude porang. Boasa tadok songon i? Alana, nungnga dipaboa hian di Bibel lao masa do akka porang di “panutup ni jaman on”, i ma di tikkitta saonari.—Mateus 24:3.

•   “Begeonmuna ma soara ni na marporang dohot barita taringot tu akka parporangan. . . . Marporang ma bangso tu bangso jala harajaon tu harajaon.”—Mateus 24:6, 7.

 Asa unggodang na diboto hamu taringot on, jaha ma artikel “Aha do Tanda ni ‘Ari Parpudi’ manang ‘Ujung ni Ari’ i?”

 Surirang ni Bibel mandok, pasti marujung do sude konflik dohot porang na masa saonari. Alai dang jolma na lao pasautton i. Sude porang i lao dipaujung di Armagedon, i ma ‘porang ni Debata Pargogo na So Hatudosan’. (Pangungkapon 16:14, 16) Dukkon sae porang Armagedon, dipasaut Debata ma janjina lao parohon hadameon tu sude jolma.—Psalmen 37:10, 11, 29.

 Asa unggodang informasi na diboto hamu taringot Armagedon, jaha ma artikel “Aha do Porang Armagedon i?”