Magodang di Los Angeles, California, Amerika Serikat do au. Di hutakku, godang do anggota geng dohot panggadis narkoba. Onom ma hami gelleng ni omak, jala na paduahon do au.

Sian dakdanak, sai diboan omak do hami tu gareja Evangelis. Alai dung lam balga au, gabe halak na munafik do au. Molo di ari Minggu, dohot do au tu paduan suara di gareja. Alai molo di ari na asing, marpestai do au sahat tu na mabuk, marnarkoba, jala mangulahon seks na so patut.

Paremosi do au jala lomo rohakku marbada. Hupakke do manang aha pe gabe sinjatakku asa boi au monang. Dang huulahon na huparsiajari di gareja. Najolo jotjot do hudok, “Tuhan do na marhak mambalos, jala au ma na dipakke Ibana!” Di ujung ni taon 1960-an tikki SMA au, lomo rohakku mangida kelompok Black Panthers, i ma sada kelompok politik na jotjot marbadai lao mambela hak rakyat. Ujungna masuk ma au tu sada kelompok parsikkola na mambela hak rakyat. Adong do piga-piga hali hami mardemo. Sanga do ditutup sikkola nami alani i.

Alai dang puas dope rohakku molo holan dohot mardemo. Jadi mulai ma huulahon na jahat tu akka halak na berkulit putih. Contohna, hea do au dohot akka donganku lao tu bioskop. Ditonton hami do film taringot halak Afrika na dibahen gabe budak di Amerika. Gabe emosi ma hami alani film i. Hubalbali hami ma sada doli-doli na berkulit putih di bioskop i. Dung i, lao ma hami tu huta ni halak na berkulit putih lao mangalului halak na boi dibalbali.

Dung lam balga au, nga godang hajahaton na hubahen rap dohot abangku dohot dua adekku. Jotjot do hami ditakkup polisi. Adong sada adekku na bergabung tu geng na terkenal, gabe mardongan ma au tu anggota ni geng i. Gabe lam sursar ma ngolukku.

Adong do sada donganku, Saksi Jahowa natua-tuana. Diajak nasida ma au marpungu, jala dohot ma au. Tikki parjolo sahali au ro, boi ma huida berbeda do Saksi Jahowa on. Sude do halak mamboan Bibel, jala dohot do nasida mambukka Bibel saleleng parpunguan i. Bahkan adong do sada doli-doli na poso na marjamita disi! Las do rohakku mamboto Jahowa do hape goar ni Debata, jala dipakke nasida do goar i saleleng parpunguan i. (Psalmen 83:18) Marragam do suku ni halak na ro i, alai marsada do nasida.

Lomo do rohakku marpungu, alai dang olo au marsiajar Bibel di mulana i. Di sada borngin, lao ma akka dongan di gengku manonton konser. Dang dohot au rap dohot halak i ala marpungu au. Di konser i, dibalbali nasida do sada doli-doli sappe mate ala dang olo ibana mangalehon jaket kulitna. Marsogotna i, bangga do nasida manceritahon i tu au. Jala dang merasa bersalah nasida di pambahenan ni nasida i, nang pe nungnga diboan nasida tu pengadilan. Godangan sian nasida dipenjara seumur hidup. Tuani ma, dang dohot au rap dohot halak i di borngin i. Ujungna huputusson ma marsiajar Bibel asa muba au.

Nga jotjot huida na so adil dibahen tu halak na berkulit hitam. Alai las do rohaku mangida na dibahen Saksi Jahowa tu akka donganna. Contohna, adong sahalak Saksi na berkulit putih na naeng lao tu luar negeri. Dititippon ibana do akka gellengna tu keluarga Saksi na berkulit hitam. Asing ni i, adong sada keluarga Saksi na berkulit putih na olo manjalo sada dakdanak na berkulit hitam asa tinggal di jabuna. Gabe pos do rohakku, diulahon Saksi Jahowa do na didok Jesus di Johannes 13:35: “Molo marsihaholongan hamu, botoon ni sude jolma ma na siseanku hamu.” Nga juppangku be agama na marsihaholongan sude jemaatna.

Dung marsiajar Bibel au, gabe sadar ma au porlu do hape hupauba pikkiranku. Jala pos do rohakku on ma na dumenggan na boi huulahon saleleng ngolukku. (Rom 12:2) Dung i, muba ma au palan-palan. Ujungna di bulan Januari 1974, tardidi ma au gabe Saksi Jahowa.

Nang pe nungnga tardidi au, alai berusaha dope au mangorom emosikku. Contohna hea ma tikki marbarita, huida adong panakko na mambuat radio sian mobilku. Hukejar ma ibana. Tikki naeng dapottu panakko i, didabuhon ibana ma radio i dung i lari. Tikki huceritahon tu akka donganku songon dia carana boi dapottu muse radio i, disukkun sahalak sintua ma tu au, “Autsugari ma dapotmu panakko i Stephen, hahuaonmu ma ibana?” Gabe sadar ma au mambege sukkun-sukkunna i. Jala berusaha ma au gabe halak na marroha na dame.

Di bulan Oktober 1974, gabe perintis ma au. Hupakke do tikkikku 100 jom sabulan lao mangurupi akka halak marsiajar Bibel. Dung i, karejo ma au di kantor pusat ni Saksi Jahowa di Brooklyn, New York. Di taon 1978, mulak ma muse au tu Los Angeles lao mangarawat omakku na marsahit. Dua taon dukkon i, menikah ma au tu si Aarhonda. Burju do ibana, diurupi ibana do au mangarawat omakku sahat tu na mate omakki. Dung i, diundang ma hami tu Sikkola Alkitab Gilead Menara Pengawal jala ditugasson ma hami tu Panama gabe misionaris.

Dung tardidi au, sai adong do situasi na mambahen au emosi. Alai molo adong halak manang situasi na mambahen au emosi, pittor lao ma au. Godang do halak na mamuji au ala boi au muba, termasuk ma i istrikku. Au pe heran do boasa boi au muba! Alai pos do rohakku dang alani gogokku i, alani Hata ni Debata do.​—Heber 4:12.

Ala marsiajar Bibel, gabe martujuan ma ngolukku, jala boi ma au gabe halak na marroha na dame. Dang olo be au mambalbali halak, justru lomo do rohakku mangurupi nasida marsiajar Bibel. Huurupi do sada musukku tikki di SMA marsiajar Bibel. Dung tardidi ibana, hea do hami sakamar. Sahat tu saonari, kompak do hami. Jala nungnga adong lobi sian 80 halak na huurupi hami gabe Saksi Jahowa.

Mandok mauliate do au tu Jahowa ala boi gabe bagian sian organisasina. Jala las hian do rohakku alana nungnga martujuan be ngolukku saonari.