“Voyez le bon pays,” ni hop Pulasi, i yé atlas i Bibel, hala wee i ñéba mambok Bibel i mpôdôl; u nla gwélél yo inyu kéñbaha nogna yoñ ngéda u nigil Bibel. Bibel i mpôdôl ngandak bahoma, ni bitison, ni mambok. Ni njel ini atlas le, “Voyez le bon pays,” yigil yoñ y’a yelba wengoñle yak we u yé tehe bahoma ñañ u mpôdôl. W’a nôgda wengoñle u yé niñ ipôla i bôt ñañ u mpôdôl. I yi le ngim homa i bé tegep, nsôsôgô, tole hikôa, i ga hôla we i tibil nok ñañ u Bibel u u bi tagbe ha homa nu.

“Voyez le bon pays” i ñéba bititii bi mambok ni bahoma bobasôna Bibel i mpôdôl, i gwéélak minsonol nwominsôna inyu lémés bititii bi. I gwé yak mabam ma ndoñi, bititii le bikei gwon bi bi pémés, ni ngandak mam ipe, bi bi ga hôla we i kônde lémés yigil yoñ i Bibel.

I atlas i Bibel ini y’a hôla we

• i noñ Abraham, Isak, ni Yakôb, mu maké map

• i tehe njel Lôk Israel i bi noñ ibôdôl manyodi ma Égiptô ikepam i Hisi hi likak

• i tehe liyééne li bon ba Israel ni minwaa nwap lôñni matén ma ma bé kolba bo

• i tehe bahoma bobasôna Yésu a bi yuuga mu nson wé hana ’isi

• i nok ñañ u biane bikeñi Bibel i mpôdôl, ni ikepam hee homa énél yap i bi ap, kiki bo Babilôn, Grikia, ni Rôma

U nla béñge ini atlas i Bibel i internet, ibabé i saa, i Watchtower KOBOT BIKAAT I INTERNET ni hop Pulasi (Bibliothèque en ligne Watchtower).