Nlôñ Bibel i buk kel
Di wan Bitilna hiki kel i yé man kaat nu a nhôla i wan nlôñ u Bibel wada hiki kel, ni i ôt biniigana bi nseñ mu. I kaat ini i nla hôla we i bôdôl kel yoñ ni buk i Bibel i i nhôgbaha, i tinak we makénd.
I yé maliga le u nla añ buk kel ni ndoñi yé to imbe ngéda, ndi ngandak bôt i ntehe nseñ i wan biniigana bi bikegla. Hala a nti bo pôla i ôt mahoñol mu, kel yosôna. Ibale u gwé lihaa, i wan buk kel ni lihaa jolisôna i yé nseñ ngandak.
U nla añ buk kel i Watchtower KOBOT BIKAAT I INTERNET, tole u nla yoñ mapep ma PDF i internet, i het w’a tehe minlôñ mi Bibel nwominsôna inyu ngim nwii.
Yak ini i nla lémél we
BISÉLÉL INYU NIGIL BIBEL
Encyclopédie i Bibel
Étude perspicace des Écritures ni hop Pulasi i gwé dikôô ndi dikôô di majubul, ma ma ntoñol minkwel nya ndi nya. Mi mpôdôl bôt, bahoma, bibebela, miñañ mi tôbôtôbô, bibuk ni mahop batila Bibel ba bi gwélél. Ibale mapep ma PDF mon u nyoñ, w’a la yak tehe bititii bi mambok, bifôtô, ni bititii bipe, lôñni index i minkwel, ni index i minlôñ mi BIbel.
BISÉLÉL INYU NIGIL BIBEL
Mambok Bibel i mpôdôl
“Voyez le bon pays” i yé atlas i gwé bititii bi mambok ni bahoma het ñañ u Bibel u bi tagbe, ténétén Hisi hi likak, ni mahéñha hisi hi hi bi yi kiki ngéda i bé tagbe.
BISÉLÉL INYU NIGIL BIBEL
Bibel i sem kwep
Man kaat le Bibel—Ñwin wé le kii? a ntibil toñle we nwin u Bibel i sem kwep, a nhôla ki we i léba ño nkwel u u ñéga Bibel yosôna.