TÔDE ’ILO! No. 2 2020 | Mandimbhe inyu mambadga 5 ma mbéñge mandutu
Hiki mut a mboma mandutu mu niñ yé; bebek a nla kwo kon, a nla boñ accident, mpuhge jam u nla pémél nye, tole mut a nla mbabaa nye.
Bôt ba nyéñ mandimbhe.
Ngandak i nhoñol le Djob a bi tila i bisu bi ngéda le mandutu ma ga pémél ndik bés, ni le di nla bé boñ jam jo kiki jo inyu keñgle mo.
Bape ba nhoñol le di nok ndutu inyule di bi boñ bibéba bi mam ikété niñ yés.
Bôt ba mboma mandutu ba mbéna badba mambadga, ndi ba nkôhna bé mandimbhe.
I jam ngim bôt i nhémle
Lelaa bibase bi ntoñol njom i mandutu més.
1 Baa di nla ôm Djob nsohi ngéda di mboma mandutu?
Bôt ba ntjél base inyule biniigana ba nkôhna bi ñôbôs jôl li Djob. Kii yé maliga?
2 Baa bés bon di yé njom i mandutu més?
Ibale ndimbhe i yé le ñ, wee hiki wada wés a nla suhus mandutu mé.
3 Inyuki biloñge bi bôt gwon bi nok ndutu?
Bible i nhôla bés i nok mandimbhe.
4 Baa Djob a bi hek bés inyu boñ le di nok ndutu?
Baa Djob a bé le a hek hisi ni bilama gwé inyu boñ le i bôt ba binam ba nyééne mu ba nok ndutu? Ibale heeni, kii i bi tagbe?
5 Baa mandutu ma ga mal kel yada?
Bibel i nkal bés lelaa Djob a ga mélés mandutu.
U nla kôhna mahôla
To ibale i mpôôna wee mandutu ma ga mal bé, ngim jam i nla hôla bés.
