PES 01
Lelaa Bibel i nla hôla we?
Bés bobasôna di mbadba mambadga ma ma mbéñge niñ, mandutu, nyemb ni dilo di nlo. Hiki kel, i mbéda bés moni inyu niñ. Di mbadba ki lelaa ndap yés lihaa i nla ba maséé. Ngandak bôt i bi léba le Bibel i ntimbhe ndik bé mambadga map, ndi i nhôla ki bo i yémbél mandutu ba mboma hiki kel. Baa u nhoñol le Bibel i nla hôla bôt bape?
1. Mambe mambadga Bibel i ntimbhe?
Bibel i ntimbhe mambadga kiki bo: Lelaa niñ i bi bôdôl? Inyuki di niñ? Inyuki bôt ba nok ndutu? Kii i ntagbe ngéda mut a nwo? Tolakii hiki mut a ngwés nsañ, inyuki gwét bi nai? Lelaa hisi hi ga ba i dilo di nlo? Bibel i nti bés makénd i yéñ mandimbhe. Didun di bôt di bi kon maséé ngéda di bi léba mandimbhe mu mambadga ma.
2. Lelaa Bibel i nla hôla bés i lémés niñ yés?
Bibel i nti bés maéba malam. Kiki ’héga, i niiga mahaa lelaa ma nla bana bañga maséé. I nhôla bés i yémbél nduña, i ñéba ki bés kii di nla boñ inyu boñ le bôlô yés i kônha bés maséé. Kiki di mba di nkwélél mu miño mi minkwel mi, w’a kônde nigil mam mape ikété Bibel. Bebek yak we u ga pam i neebe le “Tilna yosôna [mam momasôna ma yé ikété Bibel] i yé . . . nseñ.”—2 Timôtéô 3:16.
I kaat ini, i nhéñha bé Bibel. Ndi i nti we pôla i wan Bibel wemede. Jon, di nti we makénd i añ bipes bi Bibel w’a tehe mu gwigil bi mba bi noñ, ni le u hégha gwo ni mam momasôna u ma nigil.
KÔNDE TÉM
Yimbe lelaa Bibel i bi hôla ngandak bôt. Béñge lelaa u nla kônde lémés lisoñgol joñ li Bibel ni inyuki i ga bane we nseñ le mut a hôla we i tibil nok yo.
3. Bibel i nla éga niñ yés
Bibel i yé kiki torche le u nkuye. Di nla gwélél yo inyu yoñ makidik malam, di nla ki gwélél yo inyu boñ maselna ipôla kii i yé loñge ni kii i yé béba.
Añ Tjémbi 119:105, i mbus ni kwélél mambadga mana:
-
Lelaa ntôp tjémbi nunu a bé tehe Bibel?
-
Lelaa wemede u ntehe Bibel?
4. Bibel i nla timbhe mambadga més
Bibel i bi timbhe mambadga muda wada a bé badba ibôdôl behee. Tuk VIDÉÔ, i mbus ni kwélél mambadga mana.
-
Munu vidéô ini, mambe mambadga muda nunu a bé badba?
-
Lelaa yigil yé Bibel i bi hôla nye?
Bibel i nti bés makénd i ke ni bisu i bat mambadga. Añ Matéô 7:7, i mbus ni kwélél mbadga ini:
-
Mambe mambadga u mbadba, ma u nhoñol le ndik Bibel yotama yon i nla timbhe?
5. Lisoñgol joñ li Bibel li nla lona we maséé
Ngandak bôt i nkon maséé i añ Bibel, i nôgdaga ki le biniigana gwé bi nlémés niñ yap. Tuk VIDÉÔ, i mbus ni kwélél mambadga mana.
-
Baa i boñge ba wanda ba mpot munu vidéô ini ba ngwés lisoñgol?
-
Ndi inyuki ba ngwés ba ñañ Bibel?
Bibel i nla ti we biniigana bi bi nhôgbaha, bi tinak ki botñem. Añ Rôma 15:4, i mbus, ni kwélél mbadga ini:
-
Baa mimbônga Bibel i nti inyu lona bés hogbe ni botñem mi nlémél we?
6. Bôt bape ba nla hôla bés i tibil nok Bibel
Ngandak bôt i i mbéna añ Bibel, ba ntibil ôt nseñ ni lisoñgol jap ngéda ba nkwélél mu ni bôt bape. Añ Minson mi baôma 8:26-31, i mbus, ni kwélél mbadga ini:
-
Lelaa di nla nok Bibel?—Béñge minlôñ 30 ni 31.
Man Étiôpia a bééna ngôñ ni mahôla inyu tibil nok Bitilna. I len ini, ngandak bôt i neebe kwel ni bôt bape inyu ôt nseñ ni biniigana bi Bibel
BÔT BAPE BA NKAL LE: “I nigil Bibel i yé i lep ngéda.”
-
We u nhoñol lelaa? Inyuki?
I SEM KWEP
Bibel i nti maéba inyu lémés niñ yés, i ntimbhe mambadga bôt ba mbéna badba, i nti bôt hogbe ikété mandutu. I nti ki botñem ni hogbe inyu dilo di nlo.
Mambadga ma mbigda
-
Mambe maéba di nléba ikété Bibel?
-
Mambe mambadga Bibel i ntimbhe?
-
Kii u ngwés yi ikété Bibel?
KÔNDE YÉÑ
Béñge lelaa matiñ ma Bibel ma ngi gwé mahee i len ini.
“Biniigana bi Bibel —Pék i nom mba ni mba” (Nkum Ntat No. 1 2018)
Béñge lelaa Bibel i bi hôla mut wada nu a bééna béba niñ ibôdôl nye mañge.
Béñge lelaa i bii matiñ ma Bibel i bisélél i nla lémés niñ i ndap yoñ lihaa.
Béñge lelaa Bibel i nkodol jam ngandak bôt i nhoñol inyu nwet a ñénél nkoñ ’isi.