Мәсәлләр 24:1—34
24 Пис адамлара һәсәд апарма,Онлара гошулмағы арзулама.+
2 Чүнки үрәкләриндән зоракылыг кечир,Дилләри писликдән данышар.
3 Ев һикмәтлә тикиләр,+Бәсирәтлә мөһкәмләнәр.
4 Билик сајәсиндә отаглар доларГијмәтли, ҝөз охшајан хәзинәләрлә.+
5 Ҝүҹ мүдрикдәдир,+Инсанын елми гүввәтини артырар.
6 Даваны ағыллы мәсләһәтлә апар,+Мәсләһәтчи чох оларса, гәләбә чалынар.+
7 Ахмаг үчүн әсил һикмәт әлчатмаздыр,+О, шәһәр дарвазасында демәјә сөз тапмаз.
8 Шәр гуранын адыУста фитнәкар галар.+
9 Ахмаг нијјәтләр ҝүнаһ төрәдәр,Халгын ришхәндчидән зәһләси ҝедәр.+
10 Дар ҝүндә руһдан дүшсән,Ҝүҹүн түкәнәр.
11 Өлүмә апарыланлары хилас ет,Мәһвин астанасында оланлары ҝери чәк.+
12 Десән: «Хәбәримиз јох иди»,
Мәҝәр үрәкләри јохлајан буну билмәз?+
Әлбәттә ки, сәни мүшаһидә едән буну биләр,Һәр кәсә әмәлинә ҝөрә әвәз верәр.+
13 Оғлум бал је, бал хејирлидир.Шаны балы ағзы ширин едәр.
14 Бил ки, һикмәт дә ҹана хејирдир,+
Ону тапсан, ҝәләҹәјин вар,Үмидин пуча чыхмаз.+
15 Салеһин еви јанында хаинҹәсинә пусгу гурма,Онун јурдуну виран гојма.
16 Салеһ једди дәфә јыхылар, јенә галхар,+Шәр адамы исә мүсибәт бирдәфәлик јыхар.+
17 Дүшмәнин јыхыланда севинмә,О бүдрәјәндә үрәјин шадланмасын.+
18 Јохса Јеһова ҝөрәр, Она ағыр ҝедәр,Гәзәбини ондан дөндәрәр.+
19 Пис адамлара ҝөрә дилхор олма,Шәр адамлара гибтә етмә.
20 Чүнки писин ҝәләҹәји јохдур,+Шәр адамын чырағы сөнәр.+
21 Оғлум, Јеһовадан да, падшаһдан да горх.+
Хәјанәткарлара јолдаш олма.+
22 Чүнки онларын ахыры гәфил ҝәләр.+
О икисинин* онлара верәҹәји ҹәзаны ким билир?+
23 Бунлар да мүдрикләрин кәламыдыр:
Мәһкәмәдә тәрәфкешлик етмәк јахшы дејил.+
24 Шәр адама: «Салеһсән», дејәни+
Елләр ләнәтләр, халглар гынајар.
25 Амма ону тәнбеһ едәнләрин агибәти хош олар,+Башларына немәт јағар.+
26 Дүрүст ҹаваб верәнин дилиндән өпәрләр*.+
27 Чөл ишләрини саһмана сал, тарлада һәр ишини ҝөр гуртар,Сонра евини тик.
28 Наһагдан башгасынын әлејһинә шаһид дурма,+
Мәбада дилин башгаларына јалан сатсын.+
29 Демә: «Мәнә етдијини она едәҹәјәм,Әмәлинин әвәзини верәҹәјәм».+
30 Тәнбәлин тарласынын,+Ағылсызын бағынын јанындан кечдим.
31 Ҝөрдүм һәр јаны алаг басыб,Ҝиҹиткән бүрүјүб,Даш-дивары учуб.+
32 Бахдым, фикрә далдым,Өзүмә ибрәт ҝөтүрдүм:
33 Бир аз јатсан, бир аз мүрҝүләсән,Бир аз әл-голуну саллајыб отурсан,
34 Јохсуллуг гулдур кими башынын үстүнү кәсәр,Еһтијаҹ сојғунчу кими үстүнә ҝәләр.+
