Мәсәлләр 15:1—33
15 Мүлајим ҹаваб һирси јатырар,+Кобуд сөз гәзәб ојадар.+
2 Мүдрик дилини хејирә ишләдәр,+Ахмағын ағзындан сәфеһлик төкүләр.
3 Јеһованын ҝөзләри һәр јерә бахыр,Писи дә, јахшыны да ҝөрүр.+
4 Сакит дил* һәјат ағаҹыдыр,+Әјри сөзләр үрәк јаралар.
5 Ахмаг өвлад ата тәрбијәсини веҹинә алмаз,+Амма узагҝөрән мәзәммәти гәбул едәр.+
6 Салеһин евиндә долу хәзинә олар,Шәр адамы әмәлләри бәлаја салар.+
7 Һикмәтлинин дили елм јајар,+Амма ахмағын үрәји белә дејил.+
8 Шәр адамын гурбанындан Јеһова икраһ едәр,+Амма дүз адамын дуасындан хошланар.+
9 Шәр адамын јолундан Јеһованын зәһләси ҝедәр,+Салеһлијә ҹан атаны исә О севәр.+
10 Дүз јолдан сапанлара тәрбијә ағыр ҝөрүнәр,+Тәнбеһдән аҹығы ҝәләнләр мәһв олар.+
11 Мәзар* вә гара торпаг* Јеһованын ҝөзү өнүндә ачыгдыр,+
О ки галды инсанын үрәји!+
12 Ришхәндчи она ирад тутаны севмәз,+
Ағыллы адамла мәсләһәтләшмәз.+
13 Көнлү шад оланын чөһрәсиндән севинҹ јағар,Гәлб ағрысы руһу әзәр.+
14 Мүдрик үрәк елм ахтарар,+Ахмагларын дили исә сәфеһликлә гидаланар.+
15 Мәзлумун һәр ҝүнү гарадыр,+Амма көнлү шад олан үчүн һәмишә бајрамдыр.+
16 Аза гане олуб Јеһова хофу илә јашамаг+Варлы олуб сәксәкә ичиндә јашамагдан јахшыдыр.+
17 Мәһәббәт олан јердә тәрәвәз јемәк+Нифрәт олан јердә јағлы дана әти јемәкдән јахшыдыр.+
18 Кәмһөвсәлә дава-далаш јарадар,+Сәбирли исә даваны јатырар.+
19 Тәнбәлин јолу тикан чәпәринә бәнзәр,+Амма дүз адамын јолу, санки, һамар јолдур.+
20 Ағыллы оғул атасыны севиндирәр,+Ахмаг адам анасына хор бахар.+
21 Ағылсыз ахмаглыгдан зөвг алар,+Бәсирәтли адам дүз јолла јеријәр.+
22 Мәсләһәтсиз нијјәт боша чыхар,Мәсләһәт верән чох оларса, уғур олар.+
23 Вердији дүзҝүн ҹаваб инсаны севиндирәр,+Јериндә дејилән сөз нә ҝөзәлдир!+
24 Анлајыш саһибинин һәјат јолу үзү јухарыдыр,+Ону ашағыда олан Мәзардан* горујар.+
25 Јеһова тәкәббүрлү адамын евини јыхар,+Амма дул гадынын сәрһәдини горујар.+
26 Јеһова шәр адамын нијјәтләринә нифрәт едәр,+Хош сөзләр Онун ҝөзүндә сафдыр.+
27 Һарам газанан аиләсини бәлаја салар*,+Рүшвәтдән икраһ едән өмрүнү узадар.+
28 Салеһ адам ҹаваб вермәздән* габаг үрәјиндә фикирләшәр,+Шәр адамын ағзындан исә пислик төкүләр.
29 Јеһова пис адамлардан узагдыр,Амма салеһләрин дуасыны ешидир.+
30 Нурлу ҝөзләр үрәји шад едәр,Шад хәбәр ҹана ҹан верәр*.+
31 Һәјатверән елми динләјәнМүдрикләрин арасында јашар.+
32 О кәс ки тәрбијәни рәдд едир, һәјатындан безиб,+Мәзәммәтә гулаг асан дәрракә газанар.+
33 Јеһова хофу һикмәтли олмағы өјрәдир,+Садәлик шәрәф ҝәтирәр.+
Һашијәләр
^ Јахуд шәфа верән дил.
^ Һәрфән: һәлак јери.
^ Јахуд рүсвај едәр.
^ Јахуд данышмаздан.
^ Һәрфән: сүмүкләри јағлы едәр.
