Mi yí kpacɛ nɔ xexe lɔ cucucuɔ?
Àɖoŋci mɔ . . .
-
Mawu yɔa?
-
Satana yɔa?
-
mɛbu ɖe yɔa?
ENYƆ CI BIBLA NU
‘Xexe lɔ keŋkeŋ le gɔnmɛ nɔ enuvwinwatɔ lɔ ŋsɛn.’—1 Ʒan 5:19, Mawu Nyɔ.
“Mawu Vi va, yí ava dahɛn Satana dɔwawawo”—1 Ʒan 3:8.
NYƆNA CI ÀKPƆ LE MƐ
Nyɔnɔnwi cɛwo ana:
Àse enu ci yí taɖo efunkpekpewo li gɔnmɛ—Enyɔdasɛ 12:12.
Kankandoji anɔ eo shi mɔ Mawu ava dra enuwo do.—1 Ʒan 2:17.
MÌATƐNŊ AKANDO ENYƆ CI YÍ BIBLA NU JÍA?
Aɛ, do susu amɛtɔn cɛwo ŋci:
-
Mawu agu acɛkpakpa Satana tɔ. Yehowa ɖwi koŋ mɔ yeaɖe Satana cɛkpakpa si. Mawu nu ɖɛ mɔ yea ‘wu Satana’ keŋ adra enu ciwo pleŋ édahɛn do.—Ebretɔwo 2:14.
-
Mawu sɔ Yesu mɔ yɛa- kpacɛ do xexe lɔ ji. Yesu de nyi nuvwinwatɔ alo amɛ-ɖekitɔjitɔ shigbe mɛ ci yí le xexe lɔ ji ɖukɔ hannɛ o. Mawu nu ɖɛ mɔ nɔ́ Yesu va tɔ ejiɖuɖuɔ, ‘wamunɔwo-koɖo amɛmaleɖewo agodo nu, . . . Efyɔ lɔ ahwlɛn wo gan le amɛ kpotu ciwo yí dokɔ vevisese lanmɛ nɔ wo shi.’—Ehajiji Wema 72:13, 14.
-
Mawu datɛnŋ yí akanŋsu o. Bibla nui yi mɛkɔ mɔ: ‘Mawu datɛnŋ akanŋsu o.’ (Ebretɔwo 6:18) Nɔ Yehowa nu mɔ yeawa ŋɖeɔ, éwɛ ni (Ezai 55:10, 11). Kankandoji li mɔ ‘woasɔ xexe lɔ fyɔ vi sɔ dɔŋkpe’!—Ʒan 12:31.
BU TAMƐ KPƆ SÓ ENYƆ CƐ NU
Lé xexe lɔ anɔ do, nɔ́ wova ɖe Satana siɔ?
Bibla na ɖoŋci nɔ enyɔbiɔse cɛ le EHAJIJI WEMA 37:10, 11 koɖo ENYƆDASƐ 21:3, 4.
Découvrez aussi…
ESSENTIAL BIBLE TEACHINGS
Nyi yí taɖo Mawu ɖe mɔ yí efunkpekpe liɔ?
Amɛ sugbɔ biɔnɔ se mɔ nyi yí taɖo amɛxaxa koɖo efunkpekpe ɖɔ xexeɛ mɛ ahan ma. Bibla na ɖoŋci nywi fakɔnnamɛ ɖeka.
MIWO MÌNYIƆ?
Nyi yí taɖo Woakpla Biblaɔ?
Bibla na ɖoŋci nɔ agbemɛ nyɔbiɔse veviwo nɔ amɛ linlɔn nɛniɖe le xexeɛ pleŋ mɛ. Àji mɔ yeanɔ womɛa?
MIWO MÌNYIƆ?
Biɔ Bibla Nukplakpla
Kan seŋ so Bibla nyɔbiɔse ɖe nu alo kpla nubuwo so Yehowa kunuɖetɔwo nu.
