Asʋ̃ Amanɩyɛnwʋnlɛ Munwala Zʋ̃ Abɔnsamɩ a?
Mɔɔ Bayɩbʋlʋ yɩ kã
Bayɩbʋlʋ yɩ ma yɛnwʋ kɛɛ Setanɩ Abɔnsamɩ dɩ abiye mɔɔ ɩwɔ kɛnɩ ankasa na ɩdɩ amumuyɛnii mɔɔ ɩwɔ tumi paa. Na iduwa “awohwi nnwʋánlɩ nninyeni azʋlɔtʋ be” nɩɩ “amumuyɛ” ɔhʋanɩ bela zʋ ɩdahɩlɩ mmenii ma bɛyɛ mɔɔ ɩpɛ yɩ. Bayɩbʋlʋ yɩ po kã kɛɛ, “ɩdanɩ yɩ nwʋ kɛɛ hanyɩɩ bɔvʋlɔ.” (2 Tɛsalonikamaa 2:9, 10; 2 Kɔlɛntɩmaa 11:14) Nninyeni tanɩ tanɩ mɔɔ Abɔnsamɩ ma isizi nɩ ma yɛnwʋ kɛɛ ɩwɔ kɛ.
Naasʋ̃ kɛ amanɩyɛnwʋnlɛ munwala yɛ ɩzʋ̃ Abɔnsamɩ a. Mɩnla ti a? Nyamɩnlɩ va adasamaa munwala bɛ pɛ ɩma bɛ na bɛzabɛ bɔkʋla besi baaba nɩ tanɩ nwʋ pɔkɔ. (Dwohyuwa 24:15) Sɛ yesi pɔkɔ tanɩ a, yetua zʋlɔ mma.—Galatiyiamaa 6:7, 8.
You May Also Like
BAYƖBƲLƲ NDWOKƆƔIZIALƐ NWƲ MUNWALƖYƐ
Asʋ̃ Nyamɩnlɩ Yɛ Ɩma Yɛnwʋ Amanɩyɛ a?
Abiyela kʋla nwʋ amanɩyɛ mɔɔ bɛzabɛ mɔɔ Nyamɩnlɩ yɩ alɔvʋlɔ po kɩnla nwʋ. Mɩnla ti a?
ESSENTIAL BIBLE TEACHINGS
Mɩnla Ti Mɔɔ Nyamɩnlɩ Ɩma Tanɩ Nɩɩ Amanɩyɛnwʋnlɛ Nwʋ Ɔhʋanɩ a?
Mmenii sʋ̃maa bebizia kɛɛ, mɩnla ti mɔɔ ɛdanɩlɛ nɩɩ amanɩyɛnwʋnlɛ ɩhyɛ oyuwadɩ eyi nu manlɩ yɩ a? Bayɩbʋlʋ ɩma nwʋmɔ munwalɩyɛ mɔɔ ɩkã ahʋnlɩnɩ na ɩkyɩkyɩ ɛɣɛɛlɛ.
BAYƖBƲLƲ NDWOKƆƔIZIALƐ NWƲ MUNWALƖYƐ
Asʋ̃ Nyamɩnlɩ Yɛ Ɩwɔlɩ Abɔnsamɩ a?
Setanɩ ɩzʋ̃ ɛhɩnla a? Kila sianti mɔɔ Gyisɛsɩ hanlɩ kɛ Abɔnsamɩ “iádi nɔhʋanlɛ kyɩ̃” nɩ.
YƐ NWƲ NDWOKƆ
Ma Abiye Ɩɣa Igyela Wʋ
Sa enyia Bayɩbʋlʋ nu odwokɔɣizialɛ nwʋ munwalɩyɛ anzɛnyɩɩ sa osuma sʋ̃maa ɛfalɩ Gyehova Dasɩvʋlɔmaa bɔ nwʋ.