4 NOVEMBER 2022
RUSLAND

JONGSTE NUUS – EGPAAR SKULDIG BEVIND | Versterk deur voorbeelde van geloof in die Bybel

SPEEL

Op 8 November 2022 het die Petropawlofsk-Kamstjatski-stadshof van die Kamtsjatka-gebied broer Dmitri Semenof en sy vrou, Nadezjda, skuldig bevind. Hulle het albei ’n opgeskorte tronkvonnis van vier jaar gekry. Hulle hoef nie op hierdie stadium tronk toe te gaan nie.

Tydlyn

3 September 2021

’n Vrou met wie Dmitri en Nadezjda besprekings uit die Bybel gehad het, het inligting aan die FSB gegee. As gevolg van die inligting wat sy voorsien het, is ’n kriminele saak gemaak. Hulle is aangekla dat hulle ander mense probeer oorreed het om by ’n ekstremistiese organisasie aan te sluit en om aan die bedrywighede daarvan deel te neem
6 September 2021

Woonstel word deursoek. Word geneem vir ondervraging en onder reisbeperkings geplaas
26 Julie 2022

Kriminele verhoor begin

Profiel

Dmitri Semenof

Gebore: 1984 (Petropawlofsk-Kamtsjatski)

Agtergrond: Het wiskunde en rekenaarwetenskap gestudeer. Werk as ’n rekenaarprogrammeerder

’n Familielid het hom van Jehovah se Getuies vertel. Gedoop in 2006. Het alternatiewe burgerlike diens gedoen in plaas daarvan om in die weermag te dien

Trou met Nadezjda in 2010

Persoonlike kommentare

Wie se voorbeeld in die Bybel het jou gehelp om jou vertroue in Jehovah te versterk?

Selfs voordat hierdie vervolging begin het, het ek diep nagedink oor die voorbeeld van Jeremia, veral toe hy in die tronk gegooi is toe die Babiloniërs Jerusalem beleër het. Dit het gelyk asof daar geen hoop vir hom was nie, maar Jehovah het hom op ’n buitengewone manier beskerm. Terwyl daar nie meer genoeg kos was vir die inwoners van Jerusalem nie, het Jeremia nog steeds kos gekry en het hy die vernietiging van die stad oorleef (Jeremia 37:21). Jehovah sien dinge anders as ons, en hy weet wat gaan gebeur. Selfs al lyk ’n situasie hopeloos, sal Jehovah op die regte tyd ’n uitweg voorsien.

Nadezjda Semenowa

Gebore: 1985 (Jekaterinburg, Swerdlowsk-streek)

Agtergrond: As ’n kind het sy dit geniet om in die skoolkoor te sing en te dans. Werk as ’n voorraadklerk in ’n winkel

Haar ouer suster, wat begin het om die Bybel te studeer, het haar van die waarheid vertel. Nadezjda, haar ma en haar suster het almal Getuies van Jehovah geword. Gedoop in 1997

Trou met Dmitri in 2010

Persoonlike kommentare

Watter Bybelverslag het jou gehelp om jou geloof te versterk?

Ons het onlangs geleer oor die voorbeeld van die weduwee van Sarfat en hoe sy eers haar geloof moes toon voordat sy die seëning ontvang het. Die artikel wat ons bespreek het, het gesê: ‘God seën diegene wat geloof beoefen.’ Die artikel het uit ’n Zion’s Watch Tower van 1898 aangehaal en verder gesê: “Dit is ook die geval met ons—op ons lewenspad neem die Here ons soms na ’n plek waar hy ons geloof toets. As ons geloof beoefen, sal ons die seën ontvang; as ons dit nie doen nie, sal ons dit verloor.”

Dit het my geleer dat dit nie saak maak hoe moeilik die uitdaging is nie. Al wat saak maak, is dat ek my deel moet doen om lojaal aan Jehovah en my broers en susters te bly. As ek dit doen, sal Jehovah my help om te volhard deur my die moed, geloof en krag te gee wat ek nodig het.

Soos Dmitri en Nadezjda persoonlik ondervind het, help Jehovah sy knegte om moedig en sterk te wees terwyl hulle vervolging verduur. Hy sal hulle nooit verlaat nie. – Josua 1:9.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE