8 DESEMBER 2022 | BYGEWERK: 15 FEBRUARIE 2023
RUSLAND
JONGSTE NUUS – BOETES VERMINDER | Oortuig van Jehovah se ondersteuning
Op 13 Februarie 2023 het die Hooggeregshof van die Republiek van Tsjoewasjië die boetes van suster Nina Martinowa en Zoja Pawlowa van 350 000 roebel (R90 570) na 80 000 roebel (R20 690) verminder. Die opgeskorte tronkvonnisse wat broer Andrei Martinof en Michail Jermakof gekry het, bly dieselfde.
Op 22 Desember 2022 het die Alatirski-distrikshof van die Republiek van Tsjoewasjië vir Andrei, Nina, Zoja en Michail skuldig bevind. Nina en Zoja het albei ’n boete van 350 000 roebel (R90 570) gekry. Andrei en Michail het albei ’n opgeskorte tronkvonnis van ses jaar gekry. Hulle hoef nie op hierdie stadium tronk toe te gaan nie.
Profiel
Soos ons getroue broers en susters wat vasstaan ondanks vervolging, kan ons ook “die moed van ’n leeu” hê wanneer ons deur moeilike tye gaan omdat ons oortuig is van Jehovah se liefde en ondersteuning. – Spreuke 28:1.
Tydlyn
23 Junie 2021
’n Hele paar huise word in Alatir deursoek
28 Oktober 2021
Andrei word ondersoek vir die organisering van die bedrywighede van ’n ekstremistiese organisasie. Word onder reisbeperkings geplaas
25 April 2022
Andrei word amptelik aangekla. Nina word by die kriminele saak gevoeg en aangekla van deelname aan die bedrywighede van ’n ekstremistiese organisasie
26 April 2022
Zoja word amptelik aangekla van deelname aan die bedrywighede van ’n ekstremistiese organisasie en word by die saak gevoeg
28 April 2022
Michail word amptelik aangekla van die organisering van die bedrywighede van ’n ekstremistiese organisasie en word by die saak gevoeg
31 Augustus 2022
Kriminele verhoor begin
Jy sal dalk ook hiervan hou
NUUSBERIGTE
In die tronk weens hulle geloof – Rusland
Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.