1 MAART 2024
RUSLAND

Broer Aleksandr Tsjagan tot agt jaar tronkstraf gevonnis

SPEEL

Op 29 Februarie 2024 het die Tsentralni-distrikshof van Toljatti in die Samara-streek broer Aleksandr Tsjagan skuldig bevind en hom tot agt jaar tronkstraf gevonnis. Hy is in die hof in hegtenis geneem.

Profiel

Aleksandr Tsjagan

Gebore: 1971 (Oekraïne)

Agtergrond: Het as ’n rekenaarprogrammeerder gewerk

Het oor die betekenis van die lewe gewonder. Het bevredigende antwoorde gekry deur die Bybel saam met Jehovah se Getuies te studeer. Gedoop in 2001

Trou met Jekaterina in 2008

Persoonlike kommentare a

Wat is een van die moeilikste dinge waardeur jy gegaan het gedurende hierdie kriminele verhoor?

Dit is vir my baie moeilik om deur die dokumente van die saak te lees, wat soveel valse en negatiewe dinge oor my en Jehovah se volk bevat. Ek vra Jehovah gereeld om my die krag en die begeerte te gee om vir my verhoor voor te berei. Die verslag in 2 Konings 13:18 het my gehelp. Elisa het vir koning Joas gesê om van die pyle te vat en teen die grond te slaan. Maar Joas het dit net drie keer gedoen, wat gewys het dat hy nie vasbeslote was nie en ’n gebrek aan ywer gehad het. Ek besef dat ek my deel moet doen om die goeie nuus te verdedig. Ek kan nie opgee nie, en ek moet vasbeslote bly in my pogings om goed voorbereid te wees wanneer ek hof toe gaan. Met Jehovah se hulp en die opregte gebede van my broers en susters weet ek dat ek suksesvol sal wees.

Ons sal aanhou bid dat Jehovah ‘goedheid betoon aan’ Aleksandr en almal wat vir Sy naam ywerig bly. – Psalm 119:135, 139.

Tydlyn

4 Maart 2022

Huis word deursoek
14 September 2022

Kriminele saak word gemaak
21 September 2022

Huis word vir ’n tweede keer deursoek
22 September 2022

Word ondervra en oornag aangehou
23 September 2022

Word vrygelaat en onder reisbeperkings geplaas
23 Augustus 2023

Kriminele verhoor begin
29 Februarie 2024

Word skuldig bevind en tot agt jaar tronkstraf gevonnis

a Broer Tsjagan het die kommentare voor sy vonnis voorsien.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE