Ja. Al Jehovah se Getuies is predikers, of bedienaars—insluitende etlike miljoene vroue. Dit is soos die Bybel voorspel het: “Die vroue wat die goeie nuus verkondig, is ’n groot leër.”—Psalm 68:11, 12.

 Vroue wat Jehovah se Getuies is, volg die voorbeeld van vroue in die Bybel (Spreuke 31:10-31). Hoewel hulle nie leierskap in die gemeente uitoefen nie, het hulle ’n volle aandeel aan die openbare bediening. Hulle leer ook Bybelbeginsels aan hulle kinders (Spreuke 1:8). Getuievroue span hulle in woord en daad in om ’n goeie invloed uit te oefen.—Titus 2:3-5.