Mɛni Ji Mawu Matsɛ Yemi ɔ?
Nihi babauu sɔleɔ kaa Mawu Matsɛ Yemi ɔ nɛ ba. Se mɛni ji Mawu Matsɛ Yemi ɔ? Nɛ mɛni e ma tsu? Anɛ o susu sane bimi nɛ ɔmɛ a he hyɛ lo?
MO SUSU NƆ́ NƐ BAIBLO Ɔ DE Ɔ HE NƐ O HYƐ:
Mɛni ji Mawu Matsɛ Yemi ɔ?
E ji nɔ yemi ko nɛ ngɛ hiɔwe, nɛ Yesu Kristo ji e nya Matsɛ.—Yesaya 9:6, 7; Mateo 5:3; Luka 1:31-33.
Mɛni Mawu Matsɛ Yemi ɔ ma tsu?
E ma je ní yayamihi tsuo kɛ je zugba a nɔ, nɛ e ma ha nɛ nihi nɛ a maa hi zugba a nɔ ɔ ma ná tue mi jɔmi kɛ ya neneene.—Daniel 2:44; Mateo 6:10.
Mɛni nɛ Matsɛ Yemi ɔ nɛ wa ma hla kekle ɔ tsɔɔ?
E tsɔɔ kaa wa ma fĩ Mawu Matsɛ Yemi ɔ se, nɛ wa ma ná nɔ mi mami kaa Matsɛ Yemi ɔ pɛ lɛ ma ha nɛ a pee Mawu suɔmi nya ní ngɛ zugba a nɔ.—Mateo 6:33; 13:44.
