Dxi guyuu Jesús lu Guidxilayú bisihuinni guizáʼ nadxii laanu, dede bidii xquendanabani pur laanu (Mateo 20:28; Juan 15:13). Maʼ cadi candaa zusihuínnibe sti biaje pabiáʼ nadxiibe laanu: ra maʼ nácabe Rey lu Reinu stiʼ Dios zunduuxebe «guiráʼ guerra nuu lu guidxilayú» (Salmo 46:9).

 Biiyaʼ xi caníʼ Biblia chiguni Jesús:

•   «Zulabe binni pobre ni cucaa ridxi para gacanécabe laa, ngueca ni cuquiichinácabe laa ne tutiica ni qué gapa tu gacané laa. Ziabe binni ni cuquiichinácabe laa ne binni pobre. Ne zulabe xpida ca binni pobre. Zulabe laacaʼ de ca ni cuquiichináʼ laacaʼ ne de ca binni ni ridinde» (Salmo 72:12-14).

 ¿Ximodo zanda gusihuínninu rudiʼnu xquixe peʼ Jesús pur ni maʼ biʼniʼ ne pur ni chiguni pur laanu yaʼ? Lu Lucas 22:19, gudxi Jesús ca xpinni guietenaláʼdxicaʼ guendaguti stibe. Nga runi guiráʼ iza, laadu, ca testigu stiʼ Jehová ridagulisaadu para guietenaláʼdxidu guendaguti stiʼ Jesús, casi peʼ biʼniʼ mandarbe gácani. Cayuni invitardu lii cheluʼ para guietenaláʼdxinu guendaguti stiʼ Jesús. Zácani domingu 24 de marzo de 2024.

Paraa zanda cheluʼ dxi Guietenaláʼdxinu guendaguti stiʼ Jesús