Coʼ. Maʼ bichaagacabe Biblia né caadxi manuscritu yooxhoʼ ne rihuinni dxichi qué huadxaa diʼ gastiʼ luni, neca biʼniʼ copiárcabe ni lu caadxi material ni nagueenda raca feu.

 Huadxélacabe stale manuscritu yooxhoʼ stiʼ Biblia, ne nuu de laacani gadxé modo gucuá cani, ndiʼ rusihuinni laaca bicheecabe ra biʼniʼ copiárcabe ni. Huadxélacabe caadxi error lu Biblia peru qué ruchaa diʼ ni mensaje stini. Peru laaca huadxélacabe xcaadxi cosa ni cadi jneza modo gucuá. Bi’ni’ cabe ni para guchaacabe ni dxandíʼ rusiidiʼ Biblia. Guidúʼyanu chupa ejemplu.

1.   Lu caadxi traducción stiʼ Biblia ni gucuá dxiqué sicaríʼ bicaacabe 1 Juan 5:7:«Guibáʼ la? tobi si nga Bixhoze, Verbo ne Espíritu Santu, lu ca manuscritu original cadi cá ca diidxaʼ riʼ, sínuque bicaacabe ni despué. a Nga runi, ca traducción nacubi ne jneza modo gucuá cadi nédicani ca diidxaʼ riʼ.

2.   Jma de ti mil biaje riete lá Dios lu ca manuscritu stiʼ Biblia ni gucuá dxiqué, peru ca traducción jma nacubi nuu yanna maʼ guleecaʼ lá Dios ne riquiiñecaʼ título casi «Señor o «Dios.

 Cumu nuu stale manuscritu tiempu riʼ la? jma nagueenda ridxela binni error lu cani. b Ra guchaaganu ca manuscritu riʼ, ¿xi zanda guizíʼdinu? ¿Ñee zanda gápanu confianza ni cá lu Biblia tiempu riʼ la?

•   Sicaríʼ guníʼ ti erudito láʼ William Henry Green de Escrituras Hebreas (antiguo testamento): «Gástiruʼ sti libru casi laani ni nabé biaʼsi modo gucuá».

•   Ti hombre ni nanna de Biblia ni láʼ Frederick Bruce sicaríʼ bicaa de ca Escrituras Griegas Cristianas, o Nuevo Testamento: «Jma stale manuscritu nuu de Nuevo Testamento que cani bicaa caadxi hombre ni rucaa libru, ngue runi guirutiʼ zanda guiníʼ cadi dxandíʼ ni cá lu Biblia».

•   Sir Frederic Kenyon, ti hombre ni nanna stale de ca manuscritu stiʼ Biblia guníʼ «zanda guinaaze ti binni ti Biblia ne guiníʼ sin guchee, laani nga stiidxaʼ Dios, ne neca maʼ gudiʼdiʼ stale iza de gucuá ni qué huachaa diʼ gastiʼ ni cá luni.

•   Ca judíu ne ca cristianu ni biʼniʼ copiar Biblia bicaacaʼ ca relatu ra bichee xquidxi Dios (Números 20:12; 2 Samuel 11:2-4; Gálatas 2:11-14). c Ne laaca bicaacaʼ ra bidxiibaʼ Dios donda ique ca judíu ora qué nuzuubacaʼ diidxaʼ ne laaca biʼniʼ copiárcabe caadxi cosa ni runi binni ni cadi jneza (Oseas 4:2; Malaquías 2:8, 9; Mateo 23:8, 9; 1 Juan 5:21). Ra qué nuchaa ca hombre riʼ ni cá lu Biblia bisihuínnicaʼ nacháʼhuicaʼ ne nabé nadxiicaʼ Stiidxaʼ Dios.

•   Nuunu seguru Dios nga huayapa Biblia, nga runi, que huadxaa diʼ gastiʼ luni (Isaías 40:8; 1 Pedro 1:24, 25). Ni gucalaʼdxiʼ Dios nga guiziidiʼ binni de dxiqué ne de tiempu stinu riʼ ni rusiidiʼ Biblia (1 Corintios 10:11). Ne lu Biblia ná: «Guiráʼ ni gucuá dxiqué, gucuá ni para gusiidiʼ ni laanu, ti ora guni huantarnu ne quixhedxí Stiidxaʼ Dios ladxidoʼno la? gápanu esperanza» (Romanos 15:4).

•   Biquiiñeʼ Jesús ne ca xpinni copia stiʼ ca escrituras hebreas ne qué ñuu diʼ dxi niniʼcaʼ cadi biaʼsi modo cá ni (Lucas 4:16-21; Hechos 17:1-3).