上帝系创造万物嘅真神。佢一直存在，永远存在，冇开始，亦都冇结束。（诗篇90:2）圣经嘅好消息就系嚟自上帝嘅。（提摩太前书1:11）上帝赐生命俾我哋，所以我哋应该唯独崇拜佢。 请读启示录4:11

上帝系个灵体，灵体同地上嘅生物唔一样，系我哋睇唔到嘅，而且力量比我哋强大。（约翰福音1:18；4:24）虽然我哋睇唔到上帝，但系就可以通过佢所创造嘅万物认识佢，了解佢嘅特质。譬如，我哋观察各种各样嘅生果同花朵，就可以睇出，上帝充满爱心同智慧；观察天上无数嘅星星，我哋可以睇出，佢大有能力。 请读罗马书1:20

另外，通过睇圣经，我哋可以更加认识上帝，更加了解佢嘅特质。例如，我哋可以知道上帝钟意乜嘢、唔钟意乜嘢、点样行事、点样对待人。 请读诗篇103:7-10

系有嘅。耶稣话：“我哋喺天上嘅父亲，愿你嘅名彰显为圣。”（马太福音6:9）虽然上帝有好多唔同嘅头衔，但系佢嘅名就只有一个。呢个名喺唔同嘅语言里面，有唔同嘅译音，喺汉语通常译做“耶和华”，亦有啲人译做“雅威”。 请读诗篇83:18

好多圣经译本用“主”或者“神”嚟代替上帝嘅名。不过喺圣经原文里面，上帝嘅名就出现超过7000次。耶稣教导人认识上帝嗰阵，好重视帮助人认识上帝嘅名。 请读约翰福音17:26

请观看短片《上帝有名字吗？》

有啲人见到好多人受苦，就觉得上帝唔关心我哋；有啲人仲话，上帝用苦难嚟考验我哋，但系呢啲讲法都系错嘅。 请读雅各书1:13

其实上帝好尊重我哋，佢赐俾我哋选择嘅自由。我哋唔系应该好好珍惜呢种自由，选择事奉上帝咩？（约书亚记24:15）但系好多人就选择做坏事，结果令到其他人受苦。上帝睇到呢啲唔公平嘅事，佢觉得好痛心。 请读创世记6:5,6

耶和华上帝好关心我哋，希望我哋过得幸福快乐。佢好快就会铲除坏人坏事，唔会再俾人受苦。而家佢容许人受苦一段时间，系有充分理由嘅。第8课会话俾我哋知理由系乜嘢。 请读彼得后书2:9；3:7,13

耶和华上帝好关心我哋每一个人，邀请我哋通过祷告亲近佢。（诗篇65:2；145:18）上帝好乐意宽恕人。佢知道我哋付出努力做佢认为啱嘅事，就算有时失败咗，佢都愿意原谅我哋。即使我哋唔完美，但系我哋都可以同上帝有亲密嘅关系。 请读诗篇103:12-14；雅各书4:8

耶和华上帝赐俾我哋生命，所以我哋最爱嘅应该系佢。（马可福音12:30）我哋努力加深对上帝嘅认识，同埋服从佢，噉就表明自己爱上帝，可以更加亲近佢。 请读提摩太前书2:4；约翰一书5:3