上帝嘅王国系指上帝喺天上设立嘅政府，呢个政府将会取代世上嘅所有政府，使上帝嘅旨意喺天上同地上实现。人人都渴望有一个好嘅政府，好快上帝嘅王国就会满足我哋呢个需要，到时人人都可以和睦共处，呢个真系一个大好消息！ 请读但以理书2:44；马太福音6:9,10；24:14

王国系需要统治者嘅。耶和华任命佢嘅独生子耶稣基督，做上帝王国嘅君王。 请读启示录11:15

请观看短片《上帝嘅王国系乜嘢？》

上帝嘅儿子耶稣系最好嘅君王，因为佢好仁慈，而且总系做啱嘅事。（马太福音11:28-30）耶稣将会喺天上统治整个地球，佢大有能力，可以帮助人过幸福嘅生活。耶稣复活之后，返到天上，坐喺耶和华嘅右边等候。（希伯来书10:12,13）最终，上帝会赐权柄俾佢，施行统治。 请读但以理书7:13,14

有一啲叫做“圣民”嘅人会同耶稣一齐喺天上作王。（但以理书7:27）第一批由耶和华拣选嘅圣民系耶稣喺地上嗰阵嘅忠心门徒。直到而家，上帝仍然继续拣选忠心嘅人做圣民。呢啲圣民有男有女，佢哋同耶稣一样，复活之后会成为好似天使一样嘅个体。 请读约翰福音14:1-3；哥林多前书15:42-44

 有几多人被拣选呢？14万4000人。耶稣话佢哋系“小群羊”。（路加福音12:32）佢哋会同耶稣一齐喺天上统治地球。 请读启示录14:1

上帝嘅王国喺1914年开始统治。 *耶稣作王之后，首先将撒但同佢手下嘅坏天使赶到地上。所以撒但好嬲，使地上充满苦难。（启示录12:7-10,12）从嗰一年开始，世上嘅苦难就越来越多。世界各地都有战争、饥荒、瘟疫、地震。呢啲事构成一个综合嘅征象，表明上帝嘅王国就快统治地球嘞。 请读路加福音21:7,10,11,31

而家，上帝嘅王国使好消息传遍世界各地，结果好多唔同国家民族嘅人能够团结起嚟。呢啲人接受耶稣嘅统治，成为佢嘅子民。将来，上帝嘅王国会消灭地上嘅坏人坏事，但就会保护耶稣嘅子民。如果我哋想得到上帝王国带嚟嘅福分，就要听耶稣嘅话，成为佢嘅子民。 请读启示录7:9,14,16,17

上帝嘅王国会用1000年时间实现上帝对人类原本嘅旨意，使整个地球成为乐园。最后，耶稣会将呢个王国交还俾天父。（哥林多前书15:24-26）你会想将上帝王国嘅好消息分享俾边个呢？ 请读诗篇37:10,11,29