TEKSTOʼOB KU MAAS TSOʼOLOL

Marcos 1:15 | «U Reino Dioseʼ tsʼoʼok u náatsʼal»

PAX ICH

«Le kʼiin aʼalaʼanoʼ tsʼoʼok u kʼuchul, u Reino Dioseʼ tsʼoʼok u náatsʼal. Kʼex a tuukuleʼex yéetel yanak a fejeʼex tiʼ le baʼaloʼob maʼalobtak ken u beetoʼ» (Marcos 1:15, Túumben Luʼum).

«Tsʼoʼok u kʼuchul u kʼiinil. Naatsʼ yanil [u Reino Dios]. Kʼex a tuukuleʼex yéetel oksaj óolteʼex u maʼalob péektsil toksajil» (Marcos 1:15, Quiliʼich Biblia ich Maya; túumbenkuntaʼan u tsʼíibil).

Baʼax u kʼáat u yaʼal Marcos 1:15

Jesúseʼ tu yaʼaleʼ u Reino Dioseʼ a «tsʼoʼok u náatsʼal» wa «naatsʼ yanil» tumen le máax ken u beetuba u Reyil le Reinooʼ tiaʼan kaʼach yiknal le máakoʼoboʼ.

Le ka tu yaʼalaj Jesús le tʼaanoʼoboʼ maʼ táan kaʼach u yaʼalik wa tsʼoʼok u káajal u gobernar u Reino Diosiʼ, tumen letiʼeʼ tu yaʼalaj tiʼ u discípuloʼobeʼ leloʼ maʼ kʼuchuk u kʼiiniliʼ (Hechos 1:6, 7). Jeʼex u yaʼalmil le profecíaʼoboʼ letiʼeʼ kʼuch jach teʼ fechaʼob aʼalaʼan kun chíikpajal le Mesíasoʼ wa le máax yéeyaʼan utiaʼal u beetik u Reyiloʼ. b Le oʼolal Jesúseʼ tu yaʼalaj: «Le kʼiin aʼalaʼanoʼ tsʼoʼok u kʼuchul». Lelaʼ u kʼáat u yaʼaleʼ tsʼoʼok u kʼuchul u kʼiinil utiaʼal u káajal u tsikbaltik tiʼ le máakoʼob le Evangeliooʼ wa le baʼaloʼob maʼalobtak ken u beet u Reino Diosoʼ (Lucas 4:16-21, 43).

Le máakoʼoboʼ utiaʼal u disfrutarkoʼob le bendiciónoʼob ken u taas le Reinooʼ kʼaʼabéet u arrepentiroʼob yéetel u kuxtaloʼob jeʼex u yaʼalik Diosoʼ. Le máaxoʼob ku arrepentiroʼoboʼ ku yeʼeskoʼob jach tu jaajil yaan u fejoʼob tiʼ le Reinooʼ.

U contekstoil Marcos 1:15

Le tʼaanoʼob ku chíikpajal tiʼ Marcos 1:15, Jesús aʼale. Lelaʼ tu yaʼalaj le nukaʼaj u káajs u kaʼansik u tʼaan Dios tu luʼumil Galileaoʼ. U tekstoil Mateo 4:17, ku yaʼalik xaneʼ «desde teʼ kʼiinoʼob jeʼeloʼ» Jesúseʼ káaj u maas tʼaan yoʼolal le Reinooʼ. Le tʼaan Reinooʼ maas tiʼ cien u téenel ku chíikpajal teʼ kanpʼéel Evangelioʼoboʼ yéetel maases Jesús aʼalmil. Letiʼeʼ maases tiʼ le jeʼel tʼaanaj le ka taal way Luʼumoʼ. c

Xok le capítulo 1 tiʼ Marcosoʼ, le notas ku taaskoʼ bey xan le uláakʼ tekstoʼob ku chʼaʼchiʼitaʼaloʼ.

a U Reino Dioseʼ junpʼéel gobierno yaan teʼ kaʼanoʼ, lelaʼ Dios tsʼaamil utiaʼal u béeykuntik le baʼax u tukultmaj way Luʼumoʼ (Daniel 2:44; Mateo 6:10). Wa taak a wojéeltik u maasileʼ ilawil le xook «¿Baʼax u Reino Dios?».

b Jesúseʼ kʼaʼabéet kaʼach u beetik u Reyil utiaʼal u cumplirtik junpʼéel tiʼ le baʼaxoʼob ku páaʼtaʼal ka u beet le Mesíasoʼ, u representartik Dios way Luʼumeʼ. Wa taak a wojéeltik u maasil yoʼolal le profecíaʼob ku yeʼeskoʼob Jesúseʼ letiʼe Mesíasoʼ ilawil le xook «¿Jach wa tu jaajil Jesús letiʼe Mesías ku yaʼalik le profecíaʼoboʼ?».

c Le Evangelioʼoboʼ letiʼe kanpʼéel Tsʼíiboʼob ich Griego maases ku tsikbaltikoʼob u kuxtal Jesúsoʼ, lelaʼ kʼaj óolaʼanoʼob bey Nuevo Testamentoeʼ.