Deus Reino, aé yepé guvernu iwaka upé. Kuá guvernu rupí Deus usu umuñhã ivuntadi iké Iwí upé mayé umuñhãwaá iwaka upé. Yaprecisari kuá guvernu. Kuayentuana aé usu umbawa miraita guvernu asuí usu umuñhã miraita ta upitá yepéwasu. Bíblia umbeu Daniel 2:44 upé: “Kuá reiita ta tempo ramé, Deus iwakapura umuñhã kurí yepé guvernu pisasu tiwaá kurí upawa. Kuá Reino ti usu usasá amu miraita supé. Usu umukañhemu pañhe mira guvernuita, asuí añhu kuá Reino upitá kurí pañhe ara.” Puranga yakuá ti será?​—Mateu 6:9, 10; 24:14.

Pañhe reino uriku irei. Jeová uparawaka itaíra Jesus Kristo mayé Rei Reino upé.​—Releri Apokalipse 11:15.

Remaã kuá vídeo Maã taá Deus Reino?

Jesus aé kuá Rei puranga píriwaá ñhasé aé puranga asuí satambika. (Mateu 11:28-30) Asuí yuíri aé kirimbá uajudari arama miraita ñhasé usu uguvernari iwaka suí. Uyuíri ramé iwaka kiti Jesus usaru até Jeová uxári uyupiru uguvernari. (Ebreoita 10:12, 13) Ma kuíri uguvernariwana uiku iwaka kiti, asuí usu uguvernari pañhe Iwí resé.​—Releri Luka 1:32, 33.

Deus upararawaka yepéyepé miraita ta uguvernari arama Jesus irum iwaka kiti. Bíblia useruka aintá “santo”. (Daniel 7:27) Yepésáwaita Deus uparawakawaá, Jesus apóstoloita. Jeová uparawakaré uiku kuáita. Ta umanu riré ta usu ta upaka iwaka upé yepé pira espiritual irum.​—Releri João 14:1-3; 1 Korintowaraita 15:42-44.

 Ma muíri miraita ta usu iwaka kiti? Jesus ukuntari uparawakawaita resé. (Luka 12:32) Bíblia umbeu 144 mil miraita ta usu ta uguvernari Jesus irum Iwí resé.​—Releri Apokalipse 14:1.

Primeiro, umburi Yurupari asuí demônioita iwaka suí, akayu 1914 upé. * Yurupari upitá ipiaíwa retana asuí umuñhã uiku pañhe kuá Iwí usasá iwasuwaá rupí. (Apokalipse 12:7-10, 12) Kuá akayu suí pañhe maã upitá puxiwera retana. Ta masi, ta yumasi, aikué guerra asuí Iwí urirí. Kuá uxári yakuá ikentuana Deus Reino usu uguvernari Iwí resé.​—Releri Luka 21:7, 10, 11, 31.

Deus Reino uajudari uiku siya miraita ta uyumbué arama Deus Ñheenga resé. Siya miraita pañhe kuá mundo upé ta usendu ta uiku kuá guvernu. Yawéwaá resewara kuá Reino usu usalvari aintá umbawa ramé puxiwerawaita irum. Ape pañhe awá ta uputariwaá ta uyusalvari ta urikuté ta usendu Jesus.​—Releri Apokalipse 7:9, 14, 16, 17.

Deus usu kurí umuñhã kuá Reino rupí uputariwaá kuera. Mil akayu rupí, Deus Reino usu umuyeréu Iwí yepé paraíso. Bíblia umbeu Salmo 37:10, 11, 29 upé: “Kuayentuana, ti arama yamaã puxiuerawaita; remaã kurí mamé aintá ta uikuwaá kuera, ma tiã kurí ta uiku ape. Ma miraita purangawaita ta usu ta uviveri iwí upé asuí ape ta usu ta uiku surí asuí yepéwasu.” “Purangawaita ta supé kurí kuá iwí asuí ta uviveri kurí kuá iwí upé pañhe ara.” Usasá ramé kuayé Jesus usu umuyuíri kuá Reino ipaya supé. (1 Koríntowaraita 15:24-26) Awá supé reputari rekuntari kuá Reino resé?