“Atamose kuti ŵandu pachilambo chosope chapasi ngakulwala mnope ulwele wa COVID-19 mpela muyaŵelele pandanda, yeleyi ngayikugopolela kuti mliliwu ulesile kuŵa wakogoya paumi wa ŵandu pachilambo chosope.. . . Ngatukukayichila kuti msogolomu mpaka kuyichesoni mlili wine wakogoya myoyo tukusosekwa kuŵa ŵakoseka”—Dr. Tedros Adhanom Ghebreyesus jwamkulungwa jwakulolela Bungwe Jakulola ya Umi wa Ŵandu Pachilambo Chosope, 22 Meyi, 2023.

 Mlili wa COVID-19 utendekasisye ŵandu ŵajinji kuti asimaneje ni yakusawusya yakulekangalekangana yakwayana ni chilu chawo soni nganisyo syawo. Ana maboma ni mabungwe gakulola ya umi wa ŵandu pachilambopa gali gakoseka kumalana ni yakusawusya yampaka tusimane nayo naga mlili wine wuli ubuchile, nambosoni kutukamuchisya pa yakusawusya yakwayana ni chilu chetu yatukusimana nayo apanoyi?

 Baibulo jikusatusalila kuti pana boma jajichitupa chikamuchisyo chambone chatukusasosechela. Jikusasala kuti “Mlungu jwakwinani tachitamilisya uchimwene,” kapena kuti boma. (Daniele 2:44) Bomaji pajichitanda kulamulila pachilambo chapasi, “pangali atamose jumo mchilambomo jutachiŵecheta kuti: ‘Une ngulwala.’” (Yesaya 33:24) Jwalijose chachikola chilu chambone nambosoni chamachili mpela ŵachinyamata.—Yobu 33:25.