Dingadingana io raha miain̈y amy farany ambany amy ranomasin̈y an̈y. Isankarazany iro io: Misy ny marôkorôko, misy ny mibotabotaka, avio misy koa marangirangitry. Ten̈a maharikian̈a biby aby io fotony sopla. An̈atiny minity vitsivitsy na segondy vitsivitsy fo, iro io efa mahavita miova malemy miran̈a lasira na mahery miran̈a kakazo. Ke iro manjary mahavita misefaka amy tany maletry be, baka io mivadiky mahery, baka iro tsy voatsokoriky baka ao. Baka aminino hahavitandro raha karaha zen̈y? Baka aminy hoditrindro.

 Diniha hely baka: Hoditriny dingadingana afaka miova mahery mare na malemy na an̈elan̈elan̈anizen̈y. Lera izy efa tihiova in̈y, ampifandraisiny fo na sarasarahiny iro fibra aminy hoditrinany ao. Izy koa afaka mampiasa proteiny mampahery na mampalemy, arakaraka raha ilainy.

 Baka amy proteiny mampahery io mampifandray fibra aminy hoditrinany ao, ke zen̈y mahavy hoditrinany manjary mahery. Fa proteiny mampalemy ndraiky mampisarasaraka fibra aby io, ke zen̈y mahavy hoditrinany manjary malemy. Hoditrinany io koa mety ataony malemy mare ke manjary karaha ravan̈a in̈y foeky izio.

 Siantifiky aby io man̈amboatra fitaovan̈a afaka miovaova karaha hoditriny dingadingana. An̈isany tanjon̈ondro ziô han̈amboatra fitaovan̈a elektroniky mety atsofotro an̈aty betro izikoa fa man̈ano fandidian̈a, ke manjary mahery tsarabe izio izikoa fa hapetraka amy toeran̈a tokony hisy izy, fa baka io halemilemy. Izikoa fitaovan̈a elektroniky io mety hatao karaha zen̈y, azo antoko tsarabe fa hahomby fandidian̈a io.

 Akory hevitrinao? Hoditriny dingadingana io ma baka taminy evolision, sa izio nisy namoron̈o?