თუდო მოჩამილ რე მიზეზეფ, მუდგაშ გურშენ იეჰოვაშ მოწმეეფ ვემულა ოჩხუპეფშა:

1. თინეფ ომორჩილნა ღორონთის. ბიბლია იჩიებ, ნამდა ღორონთიშ მსახურეფ „მახვილეფშე ოხონალეფს გეგშაჭკადნა“ დო „ვედიგურუანა ჩხუპის“ (ესაია 2:4).

2.   თინეფ ომორჩილნა იესოს. იესოქ მოციქულ პეტრეს უწუ: „დართინე ყამა მუშ ადგილშა, მუშენდა ყამაშ ემაჭოფალ ყამათ დოღურუ“ (მათე 26:52). თეთ იესოქ ოძირუ, ნამდა მუშ მიმაჸუნალეფს იარაღ ოკო ვეუჭოფდესკო.

    იესოშ მოწაფეეფ ომორჩილნა თიშ მითითებას, ნამდა ოკო ვა რდან „თე ქიანაშ ნაწილ“ დო ქიდეცვან პოლიტიკურ ნეიტრალიტეტ (იოანე 17:16). თინეფ ვაპროტესტენა შხვადოშხვა ქიანაშ წუმოჭყაფილ სამხედრო ოპერაციეფს დო ვა მსახურენა ჯარს.

3.   თინეფს უჸორა ართიან. იესოქ მუშ მიმაჸუნალეფს მითითება მეჩჷ: „გიჸორდან ართიან“ (იოანე 13:34, 35). თინეფ საერთაშორისო საჯიმალოშ წევრეფ რენა დო მუნეფიშ და დო ჯიმალეფიშ წინააღმდეგ დღას ვეჭოფნა იარაღის (1 იოანე 3:10—12).

4.   თინეფ პირველ საუკუნეშ ქრისტიანეფიშ მაგალითის მეჸუნა. ართ-ართ ენციკლოპედიას ჭარჷ: „იესოშ პირველ მოწაფეეფ მონაწილებას ვა ღებულენდეს ჩხუპეფს დო ვარიას იჩიებდეს სამხედრო სამსახურშე“, მუშენდა ჯგირო უჩქუდეს, ნამდა „თენა ვათანხმუდ იესოშ გურაფას, უჸორდესკო ნტერ“ (Encyclopedia of Religion and War). თეჯგურა აზრის იჩიებ გერმანელ თეოლოგ პიტერ მაინჰოლთი ხოლო: „წარმოუდგენელ რდუ ადამიან ართდროულო ქოთ ქრისტიან დო ქოთ ჯარიშკოჩ ჸოფედკო“.

 იეჰოვაშ მოწმეეფ საზოგადოებაშ ღირსუან წევრეფ რენა დო მუთუნნერო ვაცილნა თი ქიანას, სოდეთ ცხოვრენა. ჩქი იფთვალისწინენთ ბიბლიურ რჩევას დო პატის ფცენთ ხელისუფლებაშ წარმომადგენელეფს:

•   „არძაქ დემორჩილას ხელისუფლებას“ (რომაელები 13:1).

•   „კეისარიშ კეისარს ქიმეჩით, ღორონთიშ ხოლო — ღორონთის“ (მათე 22:21).

 თეშნერო, ჩქი ვომორჩილუთ კანონს, ბგაფულენთ გინაგაფალეფს დო საზოგადოებაშო სასარგებლო საქმიანობას ხოლო ბღებულენთ მონაწილებას, ნამუთ მთავრობაშე რე ორგანიზებულ.