დუდ 01

მუჭო შეულებ ბიბლიას მიგეხვარას?

რჩქილა

არძას მოკონა, მიბღათ თიცალ კითხვეფშე პასუხეფ, მუნერით რე, მუ რე სიცოცხლეშ აზრ? მუშენ იბტანჯებუთ? მუშენ ბღურუთ? დო მუ მელნა მომავალს? თეს გეძინელ, ფიფქრენთ თი ირდღაშიან საკითხეფშე, მუნერით რე, მუჭო ეიბჯუმუათ დუდ დო მუშ კეთება შემლებნა, ნამდა მიღდან ბედნერ ოჯახ. ბრელქ ქოძირ, ნამდა ბიბლია ხვალე თე კითხვეფშე ვერზენს პასუხის, თინა პრაქტიკულ რჩევეფს ხოლო მარზენა ირდღაშიან საკითხეფწკუმა დაკავშირებით. ქიჩინენქო თიცალ მითინს, მიდგაშე ფიქრენქ, ნამდა ბიბლიას შეულებ მეხვარას?

1. ნამ კითხვეფს პასუხენს ბიბლია?

ბიბლია პასუხენს თიცალ მნიშვნელოვან კითხვეფს, მუნერით რე, მუჭო გორჩქინდჷ სიცოცხლექ? მუ რე სიცოცხლეშ აზრ? მუშენ იტანჯებნა ადამიანეფ? მუ ხვადუ ღურაშ უკულ? მუშენ ხვადუ ომეფ, მუჟამსით არძას ოკო, მთელ ქიანას მშვიდობა რდას? მუ მელნა მომავალს? ბუნებრივ რე, თეცალ კითხვეფ მირჩქინდუდან, ათეშენ ბიბლია ელამჩანა, დობგორათ თინეფშე პასუხეფ. მილიონობით კათაქ მიღჷ თე კითხვეფშე დამაკმაყოფილებერ პასუხეფ.

2. მუჭო შეულებ ბიბლიას მიმეხვარან, უმოს კმაყოფილეფ ვორდათ ირდღაშიან ცხოვრებათ?

ბიბლია ჯგირ რჩევეფს მარზენა. მაგალთო, თინა ოგურუანს ოჯახეფს, მუჭო შეულებნა, რდან ნამდვილო ბედნერეფ. თინა მოგებაფუანა, მუჭო მივერუათ სტრესის დო მუჭო მიბღათ სიამოვნება სამუშაშე. თე წიგნიშ გარჩიებაშ დროს თქვა ქიგეგენთ, მუს იჩიებ ბიბლია თე საკითხეფიშ გურშენ. თქვა პირადო დერწმუნებუთ, ნამდა „მთელ წმინდა წერილ [ირფელ, მუთ ბიბლიას ჭარჷ], . . . მარგებელ რე“ (2 ტიმოთე 3:16).

თე პუბლიკაცია ვა რე ბიბლიაშ მანგიორ. თეშ გინაწონს, თინა მოიწოდენა, პირადო გეგმირკუათ ბიბლია. ათეშენ, ელაიჩანთ, წეკითხათ თი ბიბლიურ მუხლეფ, ნამუთ თე წიგნის რე მოჩამილ დო ქეშუდარათ თის, მუდგას გურაფლენთ.

ქიგეგით უმოს

ქოძირით, მუჭო მეხვარ ბიბლიაქ ხალხის, მუჭო შეილებნა სიამოვნება მიღათ თიშ კითხირით დო მუშენ რე ჯგირ, შხვეფშე ქითხუათ მოხვარა, ნამდა უჯგუშო ქინანჭათ ბიბლიას.

3. ბიბლიას შეულებ მიხემძღვანელან

ბიბლია სინთეს მოგენს. თის შეულებ მიმეხვარან სწორ გადაწყვეტილებეფიშ მეღებას დო თიშ გაგებას, მუ მელნა მომავალს.

წეკითხით ფსალმუნიშ 119:105 დო უკულ გარჩით თუდო მოჩამილ კითხვეფ:

მუნერ დამოკიდებულება უღუდ თე ფსალმუნიშ მაჭარალს ბიბლიაშენ?
თქვა მუნერ დამოკიდებულება გიღნა ბიბლიაშენ?

4. ბიბლიას შეულებ უპასუხას ჩქინ კითხვეფს

ართ ოსურქ ქოძირ, ნამდა ბიბლია პასუხენდჷ თი კითხვეფს, მუთ წანეფიშ დინახალე აწუხენდჷ. ქოძირით ვიდეო დო უკულ გარჩით თუდო მოჩამილ კითხვეფ.

ვიდეო: „დღას ვადინუათ იმენდ!“ (1:48)

მუჭოთ თე ვიდეოშე ირწყებე, მუ კითხვეფ უღუდ დორისის?
მუჭო მეხვარ ბიბლიაშ გურაფაქ თის?

ბიბლია მომწოდენა, მიბღათ თი კითხვეფშე პასუხეფ, მუთ მოინტერესნა. წეკითხით მათეშ 7:7 დო უკულ გარჩით თუდო მოჩამილ კითხვა:

მუ კითხვეფ გიღნა, ნამდგაშ პასუხეფ შეულებ ბიბლიას მერჩან?

5. შეილებ ბიბლიაშ კითხირ სასიამოვნო პროცესო გინაშქვე

ბრელს სიამოვნენს ბიბლიაშ კითხირ დო ნაკითხირს ჯგირობუა მოუღ თინეფშო. ქოძირით ვიდეო დო უკულ გარჩით თუდო მოჩამილ კითხვეფ.

ვიდეო: „ბიბლიაშ კითხირ“ (2:05)

მუს ფიქრენდეს თე ვიდეოს ძირაფილ ახალგაზრდეფ კითხირიშ გურშენ?
მუშენ უღნა თინეფს შხვანერ დამოკიდებულება ბიბლიაშ კითხირიშ გურშენ?

ბიბლია მირაგადნა, ნამდა თის შეულებ მუჩან თიცალ მითითებეფ, ნამუთ გურშა ემქექუანა დო იმენდის მუჩანა. წეკითხით რომაელეფიშ 15:4 დო უკულ გარჩით თუდო მოჩამილ კითხვა:

ქუგოკონო, უმოს მეტ ქიგეგე თე ბიბლიურ მუხლის მოჩამილ დუნაპირებუშ გურშენ?

6. შხვეფს შეულებნა მიგეხვარან, ქინანჭათ ბიბლიას

ბრელქ ქოძირ, ნამდა ბიბლიაშ პირადო კითხირს დო თეწკუმა ართო, თიშ შხვეფწკუმა ართო გარჩიებას ჯგირ შედეგიქ მაჸუნ. წეკითხით საქმეეფიშ 8:26—31 დო უკულ გარჩით თუდო მოჩამილ კითხვა:

მუჭო შემლებნა ინვანჭათ ბიბლიას? (ქოძირით მუხლეფ 30 დო 31).

ეთიოპელ კოჩის მოხვარა ოსაჭირუდ, ნამდა ქინანჭუკო წმინდა წერილეფს. ბრელქ ქოძირ, ნამდა თინეფშო ჯგირობუა მოუღ, მუჟამსით ბიბლიაშ გურაფას შხვეფ ოხვარნა

ნამთინექ შილებე თქუას: „ბიბლიაშ გურაფა დროშ დინაფა რე“.

მუს უწინდჷ თე დროს? მუშენ უპასუხენდჷ თაშ?

დასკვნა

ბიბლია მარზენა რჩევეფს ირდღაშიან ცხოვრებაწკუმა დაკავშირებით, მოგებაფუანა პასუხეფს მნიშვნელოვან კითხვეფშე, გურშა ემქექუანა დო მარზენა იმენდის.

გამეორებელ კითხვეფ

მუ პრაქტიკულ რჩევეფიშ ძირაფა შემლებნა ბიბლიას?
ნამ კითხვეფს პასუხენს ბიბლია?
მუშ გურაფა გოკო ბიბლიაშე?

თე დუდიშ თებაშ თარიღ

მიზან

წეკითხ უკულიან დუდიშ პირველ ნაწილ.

შხვა

Your other goal

დამატებით მასალა

დეფიქრით, ამდღარ დროშო გიმარნაფალ მუ პრაქტიკულ რჩევეფს მარზენა ბიბლია.

„ბიბლიურ გურაფეფ — ბიბლიურ სიბრძნე ფასის დღას ვადინუანს“ („გინაჯინალ კოშკი“ №1, 2018 წ.)

ქოძირით, მუჭო მეხვარ ბიბლიაქ ართ კოჩის, მით ბაღანობაშე ემოციურო იტანჯებუდ.

„მუჭო დიბჭყჷ ახალ ცხოვრება“ (2:53)

ქოძირით ოჯახწკუმა დაკავშირებულ პრაქტიკულ რჩევეფ ბიბლიაშე.

„ბედნერ ოჯახიშ 12 საიდუმლო“ („გეგშაკურცხით!“ №2, 2018 წ.)

ქიგეგით ბიბლიაშ თვალსაზრის, ქვეყნიერებას გავრცელებურ არასწორ შეხედულებაშენ, თიწკუმა დაკავშირებით, მი მართუნს ამდღა მსოფლიოს.

„მუშენ ბგურაფლენთ ბიბლიას?“ (სრულ ვერსია) (3:14)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარაიდიულო გეხარით ცხოვრებათ! — ქიდიჭყით ბიბლიაშ გურაფ