დუდ 02

ბიბლია ირზენს იმენდის

რჩქილა

მთელ მსოფლიოს ხალხ შხვადოშხვა პრობლემეფს შეხვადუ, მუდგაშ გურშენ გურჭუა დო ოწუხებელ უღნა. დღას ქუნორღვენანო თიცალ რთულ სიტუაცია, მუჟამსით თქვა ხოლო თაშ იგინით დუდ? შილებე იტანჯებუთ, მუშენდა სერიოზულ ლახალას ობრძოლუთ ვარდა საჸოროფო პიროვნება გაფნა ღურელ. შილებე ფიქრენთ: დღას დითირუნო ცხოვრება უჯგუშობაშა? ბიბლია გურიშემაქექაფალ პასუხის მარზენა თე კითხვაშენ.

1. მუ იმენდის მარზენა ბიბლია?

ბიბლიაშე ხვალე თის ვა ბგებულენთ, მუშენ რე მსოფლიოს თესხი პრობლემეფ, თინა გინოფჩანა სახიოლო ამბეს, ნამდა თე პრობლემეფ დროებით რე დო მალას ულირს ქაჸუნუ. ბიბლიურ დუნაპირებუშ საშვალებათ შეილებნა „მომავალიშ იმენდ გიღდან“ (წეკითხით იერემიაშ 29:11, 12). თე დუნაპირებუეფ მოხვარნა, მივერუათ პრობლემეფს, მიღდან დადებით განწყობა დო ვორდათ ბედნერეფ, მუჭოთ ამდღა, თეშ მომავალს ხოლო.

2. მუნერ მომავალს მოპირნა ბიბლია?

ბიბლია მოპირნა თიცალ მომავალს, მუჟამსით „ვეჸუაფ ღურა, ვართ ნგარა, თვალუა დო ჭუა“ (წეკითხით გამოცხადებაშ 21:4). ამდღარ პრობლემეფ მუნერით რე, სიღარიბე, უსამართლობა, ლახალა დო ღურა, მუთ იმენდის უდინუანს ხალხის, მალას საბოლათ მისპუ. ბიბლია მოპირნა, ნამდა ადამიანეფ გეხარენა სამოთხეთ გინორთელ დედამიწას მარადიულ ცხოვრებათ.

3. მუჭო შეილებნა დერწმუნათ, ნამდა თე დუნაპირებ აუცილებერო შისრულებ?

ბრელს ჯგირიშ იმენდ უღჷ, მარა დარწმუნებულეფ ვა რენა, დღას შისრულებ დო ვარ თინა, მუდგას ელნა. მარა ბიბლია გვალო შხვა მუდგარენს მოპირნა. ბიბლიურ დუნაპირებუშ ნდობა გემემანგარებნა, მუჟამსით „გურგედვალირო გეგმიბრკვიენთ წმინდა წერილეფს“ (საქმეები 17:11). ბიბლიაშ გურაფაშ დროს შეგალებენა პირადო თქვა გინოჭყვიდათ, ირწმუნენთ დო ვარ თის, მუდგას ბიბლია მომავალიშ გურშენ იჩიებ.

ქიგეგით უმოს

გეგმირკვით მომავალწკუმა დაკავშირებულ ნამთინე ბიბლიურ დუნაპირებ. ქოძირით, მუჭო ოხვარ ამდღა ხალხის ბიბლიურ იმენდ.

4. ბიბლია მარზენა იმენდის, ნამდა იფცხოვრენთ მარადიულო სრულყოფილ პირობეფს

ქიდეკვირ თუდო გიმოკოროცხილ ნამთინე ბიბლიურ დუნაპირებუს. არძაშ უმოსო ნამ დუნაპირებ მორწონს დო მუშენ?

წეკითხით ბიბლიურ მუხლეფ, ნამუთ დუნაპირებწკუმა რე მოჩამილ დო გარჩით თუდო მოჩამილ კითხვეფ:

ქუგარზენსო თე ბიბლიურ მუხლეფ იმენდის? შეულებნო თინეფს იმენდ ქიმეჩას სქან ოჯახიშ წევრეფს დო მეგობრეფს?

წერმიდგინით, ნამდა ცხოვრენთ თიცალ მსოფლიოს, სოდეთ

მითინ . . .	არძა . . .
ვედეტანჯებ ჭუათ, ვერჩინუ დო ვა ღურუ (ესაია 25:8).	ქოძირუნს საჸოროფო კათას, მით დედამიწას ოცხოვრებელო გეთელებნა (იოანე 5:28, 29).
ვეგნირთუ გლახათ დო ვეშეაწუხენს ლახალა (ესაია 33:24; 35:5, 6).	გეხარენს ჯგირ ჯამრთელობათ დო ახალგაზრდულ ენერგიათ (იობი 33:25).
ვეგმოცადუნს უსამართლობას (ესაია 32:16, 17).	ხვეიანო მიღენს ოჭკუმალს, იცხოვრენს კომფორტულ ჸუდეს დო კმაყოფილებას ძირუნს მუშ სამუშათ (ფსალმუნი 72:16; ესაია 65:21, 22).
ვედეტანჯებ ომეფით დო თიშ შედეგეფით (ფსალმუნი 46:9).	ქიგინანს ნამდვილ მშვიდობას (ფსალმუნი 37:11).
ვეგიშინანს ულირს მოხვალამირ გლახას (ესაია 65:17).	იცხოვრენს მარადიულო სრულყოფილ პირობეფს (ფსალმუნი 37:29).

5. ბიბლიურ დუნაპირებუს შეულებ ირფელ დოთირუას

ამდღა ბრელ გურგოტახილ ვარდა გარისხებულ რე თი პრობლემეფიშ გურშენ, მუთ ხვადუ. ნამთინე ირნერო ოცად, ირფელ უჯგუშობაშა დოთირუას. ქიგეგ, მუჭო ოხვარ ხალხის თე საკითხწკუმა დაკავშირებულ ბიბლიურ დუნაპირებ. ქოძირით ვიდეო დო უკულ გარჩით თუდო მოჩამილ კითხვეფ.

ვიდეო: „სამართალს ბგორუნდჷ“ (4:07)

მუჭოთ თე ვიდეოშე ირწყებე, მუ უსამართლობაშ გურშენ რდუ შეწუხებულ რაფიკა?
თიშ უმკუჯინუო, ნამდა თი უსამართლობაქ ვემიგვარებუ, მუჭო მეხვარ რაფიკას ბიბლიაქ?

მომავალწკუმა დაკავშირებულ ბიბლიურ იმენდის შეულებ მიმეხვარან, მივერუათ გურიშგოტახუას დო თი პრობლემეფს, მუთ ამდღა მიღნა. წეკითხით იგავეფიშ 17:22 დო რომაელეფიშ 12:12 დო უკულ გარჩით თუდო მოჩამილ კითხვეფ:

მუჭო ფიქრენქ, შეულებნო ბიბლიურ ცნობას ამდღარშე უჯგუშობაშა დოთირუას სქან ცხოვრება დო მუშენ ფიქრენქ თაშ?

ნამთინექ შილებე თქუას: „ნოტე მართალო შისრულებნო მომავალიშ გურშენ ბიბლიურ წინასწარმეტყველებეფ?!“

მუშენ რე მნიშვნელოვან, პირადო დერწმუნე, ნამდა ბიბლიურ დუნაპირებ რეალურ რე?

დასკვნა

ბიბლია მარზენა იმენდის დო მოპირნა ბედნერ მომავალს, მუთ მოხვარნა, მივერუათ რთულ სიტუაციეფს.

გამეორებელ კითხვეფ

მუშენ ოსაჭირ ხალხის იმენდ?
მუს იჩიებ ბიბლია მომავალიშ გურშენ?
მუჭო შეულებ მომავალიშ იმენდის მიგეხვარას ამდღარშე?

თე დუდიშ თებაშ თარიღ

მიზან

თე დუდის მოჩამილ ბიბლიურ მუხლეფიშ ხოლო ართშა კითხირით უმოსო ქინანჭ ბიბლიურ დუნაპირებუეფს.

შხვა

Your other goal

დამატებით მასალა

ქიგეგით უმოს, თიწკუმა დაკავშირებით, მუშმადიდა ძალა უღჷ იმენდის.

„იმენდ — სო შემლებნა თიშ გორუა?“ („გეგშაკურცხით!“ 8 მესი, 2004 წ.)

წერმიდგინით, მუჭო ოხვარ მომავალიშ იმენდ თინეფს, მით ქრონიკულ ლახალათ იტანჯებ.

„ქეშულებნო ბიბლიას ქიმგეხვარან, მუჟამსით ქრონიკულ ლახალა გიღნა?“ (ვებ მასალა)

მუჟამსით თე ვიდეოკლიპის უჯინექ, წერმიდგინ, სქან ოჯახწკუმა ართო ცხოვრენქ სამოთხეს, მუჭოთ თეს ბიბლია მოპირნა.

„წერმიდგინ დრო“ (3:37)

ქიგეგით, მუჭო დოთირუ ბიბლიაშე გაგებულ იმენდიქ საზოგადოებრივ აქტივისტიშ ცხოვრება.

„ამდღა უკვე ვა ფიფქრენქ, ნამდა მსოფლიო მა ოკო ფთირუე“ („გინაჯინალ კოშკი“ 1 კვირკვე, 2013 წ.)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარაიდიულო გეხარით ცხოვრებათ! — ქიდიჭყით ბიბლიაშ გურაფ