YOOSOMA 02
Biibiliya Onninivaha nlipelelo
Olumwinku wootheene atthu dhinnaphwanya mixankiho. Ndho mwaha wa elo, atthu awaatta anniriipiwa nrima, oxanka ni dhinnaphwanya mixakiho dhikina. Niire mootaka okumanana mixankiho nkhama idho? Woonawene, nyuwo munnihaawa mwaha woowereiwa aahiidho ohookhwa ntthu mwampheta nnyu vawaatta-vo. Woonawene, nyuwo munniikoha dho: ‘Kiire mixankiho idha dhinoomala?’ Onawoodhivelani odhuwela moopora Biibiliya onaakhula iye nikoho nna.
1. Nlipelelo seeni Biibiliya onnivaha iye?
Biibiliya onnilotta nthowa-na olumwinkhu ola ohireera aya odhareya mixankiho. Nitho onninivaha ihapari dhooreera. Ihapari dhene ti idha: Naanano mixakiho dhootheene dhinoomala moolumwinkuni. Ndho itthu Biibiliya onlaihera iye pooti ‘woovahani ohoolo woororomeleya.’ (Munsome Yeremiya 29:11, 12.) Itthu Biibiliya onlaihera iye, dhinninikhalihera ovilela mixankiho dha mahiku ala ni okhalana moonelo wooreera. Nitho dhinninikhalihera ophwanya ohakalala weekhweeli nenna-va ni nhoolo.
2. Itthu seeni Biibiliya onlaihera iye dhin’ya wiireya nhoolo?
Biibiliya onlotta wiira onoophiya okathi ohin’ya aya ‘okhala okhwa, nnakhala oriipiwa nrima, wala wunla, hata woona owereya.’ (Munsome Wiisuupulula 21:4.) Elo enoonihera wiira mixakiho dhinaahaasa apinaatamu olelo-va, nkhama ohaawa, ohixariya, owereiwa ni okhwa, dhinoomala. Nitho Biibiliya onlaihera wiira nhoolo atthu an’ya okhala mahiku ootheene Mparayiisu valaponi moohakalala.
3. Eseeni en’ya wookhupalihani wiira itthu dhoothedhene Biibiliya onlaihenra iye dhinawiiraneya?
Atthu awaatta olelo annilipelela wiiraneya itthu dhooreera. Masi awo khankhupali akhala wiira itthu idho dhinawiiraneya. Moovirikana ni atthu awo, itthu Biibiliya onlaihera iye dhinawiiraneya. Ndho ‘mwathokodha saaneene dhawaatikhiwa’ aahiidho Biibiliya nnookhupali wiira itthu dhoothedhene olaihenra iye dhinawiiraneya. (Miteko 17:11) Onsoma Biibiliya, onawookhaliherani woona akhala wiira pooti okhupali aahiidho ohikhupali itthu Biibiliya onlaihera iye dhin’ya wiireya nhoolo.
NHUDHE ITTHU DHIKINA
Moone itthu vakhaani Biibiliya olaihenra iye dhin’ya wiireya nhoolo. Nitho moone moopora nlipelelo Biibiliya onnivaha iye nnakhalihera aya atthu awaatta olelo-va.
4. Biibiliya onlaihera wiira ninankhala mahiku ootheene nihihaawaka
Elista enttharelana ennoonihera itthu Biibiliya onlaihera iye. Yoolaihera seeni ehireere woodhivelani? Seeni yoolaihera elo ehireera aya woodhivelani?
Nsome dhawaatikhiwa dha mBiibiliyani dhiri dhoolaihera dhinttharelana, nuuvinya mwaakhule makoho anttharelana:
-
Nnoona wiira yawaatikhiwa ela ya mBiiliyani enninivaha nlipelelo? Niire enoowerya waakhalihera amudhi nnyu aahiidho axirikha nnyu?
Nkahaya muupuwele nkhalaka elapo
AHIKHANLE NTTHU ON’YA . . . |
ATTHU OOTHEENE AN’YA AYA . . . |
---|---|
|
|
|
|
|
|
|
|
|
|
5. Dhoolaihera dha Biibiliya pooti orukunsa ekumi nnyu
Atthu awaatta annilamwa ni anniriipiwa nrima mwaha wa mixankiho dhihireere valaponi. Atthu akina anneehererya orukunsa makhalelo a valaponi wiira ekhale ooreera. Moone moopora yoolaihera yawi makhalelo anooreera ennakhalihera aya atthu awaatta. Moone EVIIDIYU, nuuvinya mwaakhule makoho anttharelana.
-
Nkhama moonne nnyu eviidiyu, enamuna seeni ya ohixariya yaanxankiha Rafika?
-
Ohixariya oona iye nlelo khonamale. Masi hata eri dhiidho Biibiliya onkhalihenre dhai Rafika?
Nlipelo Biibiliya onnivaha iye na nhoolo pooti onikhalihera owanana olamwa ni onikhalihera ovilela mixankiho. Munsome Miruku 17:22 ni aRoma 12:12, nuuvinya mwaakhule makoho anttharelana:
-
Niire nlipelelo Biibiliya onnivaha iye pooti orukunsa ekumi nnyu? Eseeni eniwiirihani wuupuwelela dhiidho?
ATTHU AKINAKU ANLOTTA WIIRA: “Itthu Biibiliya onlaihera iye dha nhoolo ti dhootepa ooreera masi kahi dheekhweeli.”
-
Seeni nnoona nnyu wiira tivootthuneya odhuwela ekhweeli voohima dha mwaha owo?
WUULUULA
Biibiliya onninivaha nlipelelo. Ndho odhuwela wiira Biibiliya onnilaihera itthu dhooreera dhin’ya wiireya nhoolo enninikhalihera ovilela mixankiho.
Ipontu dhuulupale
-
Seeni atthu antthuneya aya okhalana nlipelelo?
-
Etthu seeni Biibiliya onlotta iye en’ya wiireya nhoolo?
-
Okhalana nlipelelo na nhoolo on’ya wookhaliherani dhai??
NTHOKODHE ITTHU DHIKINA
Moone itthu dhikina dha moopora nlipelelo nin’ya aya wookhaliherani okathi wa mixankiho.
“Mun’ya Ophwanya Vaai Nlipelelo?” (Despertai!, 22 de Abril de 2004)
Moone moopora nlipelelo nnaakhalihera aya atthu arina eretta ehimpenuiwa.
“Niire Biibiliya Onawookhaliherani Ovilela Eretta Ehimpenuiwa?” (Mwaha ori nsaaitini jw.org)
Okathi nnoona nnyu eviidiyu ya ncipo enttharelana, muupuwele nri Mparayiisu vamodha ni amudhi ni yiiranen’ye ele Biibiliya olaihenra iye.
Nsome mwaha warukununse ekumi ya nlopwana mmodha aakiha idireitu dha inama nuumala odhuwela nlipelelo Biibiliya onnivaha iye na nhoolo.
“Nenna Nkinuupuwela-tho Orukunsa Olumwinku” (A Sentinela, 1 de Julho de 2013)