Tiivi eri enamuna yooreera ya osoma miyaha dha mBiibiliyani
Nsomihiwe ni ntthu nkina: Mmuvekele yoosoma ya Biibiliya ntthu oovanheni ebroxuura ela aahiidho nveke nsaaitini mwihu, jw.org.
EPAARTI YOOPACERA
Nsome ittima dhootheene, ohela mpuwa makoho ooriipihiwa (A). Nsome dhawaatikha dhiriwe “nsome”. Ohiya-vo tivootthuneya osoma dhawaatikha dhinttittimiheriwa (B), okhala wira dhinoonihera ipontu dhuulupale.”
EPAARTI YEERIYARI
Vathi va “Nhudhe Itthu Dhikina” nnoophwanya ipontu dhuulupale dha yoosoma (C). Ipontu dhirina manuummeru (D) dhin’ya ottittimihera epontu yuulupale enthokoreriwa. Nsome dhawaatikha dha mBiibiliyani, mwaakhule makoho ni moone iviidiyu (E).
Nthokorere ifootu ni moolumo antthokihera ifootu idho (F), ni muupuwele etthu mun’ya nnyu olotta epaarti eni: “Atthu Akinaku Anlotta wiira” (G).
EPAARTI YOOMALELA
Woomalelani wa yoosoma nnoophwanya ipaarti piili dhini: “Wuuluula’’ ni “Ipontu dhuulupale” (H). Mwaatikhe nihiku mmalinhe nnyu yoosoma elo. Epaarti eni: “Yoolakela aka” (I) aakhala malakihero makina munreerela nnyu opaka. Vathi va “Nthokodhe Itthu Dhikina” (J) nnoophwanya dhoohimmwa dhikina dhin’ya wookhaliherani wiiwasasa saana mwaha owo.
Moopora woophwanya dhawaatikha dha mBiibiliyani
Nimpacera ndhina na eliivuru ya mBiibiliyani (A), ekaya ekapiitulu (B), enkaparela eversiikulu aahiidho iversiikulu (C). Mwa ntakihero, Yohani 17:3 entaphulela eliivuru ya Yohani, ekapiitulu 17, eversiikulu 3.
