MATSHI 6, 2024
ERASHIYA

Udade Yelena Kozhevnikova Ugwetywe Iminyaka Emibini Etrongweni

DLALA

NgoMatshi 4, 2024, iNkundla iTsentralniy yaseTolyatti kwiNgingqi yaseSamara igwebe uDade Yelena Kozhevnikova. Ugwetywe iminyaka emibini etrongweni.Okwangoku akazukuya etrongweni.

Ingxelo

UYelena Kozhevnikova

Wazalwa: Ngo-1961 (E-Ivanovo, Kwingingqi Yase-Ivanovo)

Ubomi bakhe: Wayethengisela kwivenkile enkulu. Wayenonyana omnye ibe wasweleka xa wayeneminyaka eyi-18

Wayifunda wayigqiba yonke iBhayibhile. Xa wafunda namaNgqina kaYehova, wafumana iimpendulo kuyo yonke imibuzo awayenayo. Wabhaptizwa ngo-1998

Amazwi Akhe a

Ikuncede njani imithandazo yabanye?

Imithandazo yabazalwana noodade iye yandinceda ndazimisela ukuba ndinganikezeli kwiingxaki endinazo. UYehova uyayiphendula loo mithandazo yabazalwana kunye neyam, ibe ndiba noxolo lwengqondo. Le nto indinceda ndikwazi ukucinga kakuhle ndenze nezigqibo ezilungileyo. Xa sithandazelana, siyamvuyisa uYehova. Ndiye ndicinge indlela avuya ngayo xa esibona simanyene ngale ndlela. Xa ndibona indlela okundincede ngayo ukuthandaza, ndiye ndifune ukuthandazela nabanye.

Kuyasivuyisa ukwazi ukuba uYehova uyayiphendula imithandazo yethu “esebenzisa amandla omoya wakhe” kuYelena, nakubo bonke abazalwana noodade abanyamezele intshutshiso.—Efese 3:16.

Ixesha

NgoMeyi 15, 2023

Kuqaliswa ityala
NgoMeyi 16, 2023

Kugqogqwa indlu yakhe
NgoMeyi 18, 2023

Kuthiwa akavumelekanga ukuba aye kwezinye iindawo
NgoAgasti 16, 2023

Kuqaliswa ukuxoxwa ityala
NgoMatshi 4, 2024

Ugwetywa iminyaka emibini etrongweni

a Amazwi kaDade Kozhevnikova sawafumana ngaphambi kokuba agwetywe.

Mhlawumbi Ungayithanda Nale

EZISEMATHENI

Babanjelwe Ukholo Lwabo—ERashiya

Abezokhuseleko babamba uDennis Christensen ngenxa yokuba wayefundisa enkonzweni eyayiqhutywa ngamaNgqina KaYehova eOryol, eRashiya.

EZISEMATHENI