Salmu 1:1-6
1 Iwasété norĩ nhimiroti na ꞌre ihâimana mono õ hã, iwasété norĩ hâimanazé nhizusiꞌõꞌwa hã, duré ꞌRe ihâimana uꞌâsi mono nhimiroti zarina ꞌre ihâimana zaꞌra mono norĩ ãma, ꞌre idawaꞌẽ zaꞌra mono norĩ siré ꞌre isãmra mono õ hã te rowẽ na si to sina hã ꞌre hâimana!
2 Uburé Danhibꞌapito nhimiroti na si te tãma ꞌre irowẽ mono zé hã ꞌre hâimana.Taha na si te bâtâ na hã duré bara na zama te te ãma ꞌre romnhoré uꞌâsi.
3 Ta hã aꞌuwẽ hã pazaihâ na rowede, da te iꞌre, ꞌre iꞌrãi mono zéb uwaibaba si, ꞌre iꞌrãi pese mono ne, duré ꞌre isui mre mono õ ne, te ta hã ꞌre hâimana.Ta hã uburé marĩ te te ꞌre iꞌaꞌmanharĩ mono hã te wẽ na si ꞌre wairébé.
4 Ãnei õ di, iwasété norĩ ma hã. Ta norĩ hã rowaꞌu, trigu teihi na ꞌre isisaꞌrei mono ne, te ꞌre hâimana zaꞌra.
5 Tahawa, niwamhã aptoꞌo ré ꞌRe ihâimana uꞌâsi mono, te te daꞌãma irowairébézé bâtâ na te za ta norĩ hã siwi wẽꞌõ pese zaꞌra. Taha zarina te za imreme wapari pese ꞌwa norĩ nhiti ꞌre siꞌubumro.
6 Ite bâdâdi na ꞌre inomro wẽ mono norĩ si, te tô Uburé Danhibꞌapito hã te te ꞌre awẽsãmri. Tane nherẽ, ꞌre inomro wasété mono norĩ nhibâdâdi hã te ꞌre isiꞌutõrĩ mono zéb u si te te ꞌre ãwisi zaꞌra.
