Mahibabaro la an imo mga anak ha paghigugma ha Dios kon kombinsido hira nga naeksister hiya ngan hinigugma hira han Dios. Salit kinahanglan makilala nira hiya. (1 Juan 4:8) Pananglitan, kinahanglan nira mahibaro: Kay ano nga ginlarang han Dios an tawo? Kay ano nga gintutugotan niya an pag-antos? Ano an bubuhaton han Dios para ha katawohan ha tidaraon?—Basaha an Filipos 1:9.

Basi mabuligan an imo mga anak nga higugmaon an Dios, kinahanglan ipakita mo ha ira nga ikaw mismo nahigugma ha Dios. Kon makita nira ito, posible nga subaron nira an imo ehemplo.—Basaha an Deuteronomio 6:5-7; Proberbios 22:6.

An Pulong han Dios gamhanan. (Hebreo 4:12) Salit buligi an imo mga anak nga hibaroan an nangunguna nga mga katutdoan hito. Basi matugkad an kasingkasing han mga tawo, hi Jesus nagbangon hin mga pakiana, namati, ngan nagsaysay han Kasuratan. Basi matugkad an kasingkasing han imo mga anak, mahimo mo subaron an mga paagi ni Jesus ha pagtutdo.—Basaha an Lucas 24:15-19, 27, 32.

Dugang pa, an mga asoy ha Biblia kon paonan-o gintratar han Dios an mga tawo mabulig ha mga anak nga makilala an Dios ngan higugmaon hiya. May mga publikasyon nga gindisenyo para hini nga katuyoan ha www.pr418.com.—Basaha an 2 Timoteo 3:16.