Tikang han Oktubre 7, 2023, nagkaada duro nga kamadarahog ngan girra butnga ha Israel ngan ha Gaza. Ginatos ka yukot nga tawo an kinahanglan mag-ebakwit. Sumala ha mga report, 4,200 na ka tawo an ginbabanabana nga namatay.

• Waray ha aton kabugtoan an namatay o nasamaran

• 93 nga kabugtoan an nag-ebakwit

• 3 nga balay an may gutiay nga guba

• Waray Kingdom Hall nga naguba

• An mga paramangno han sirkito ngan lokal nga mga tigurang naghahatag hin praktikal nga bulig ngan pagliaw hadton mga naapektohan han girra

• Usa nga Disaster Relief Committee an ginporma basi manguna ha relief work

An aton kabugtoan nga aada ha apektado nga mga lugar nangangalimbasog nga tipigan an ira espirituwal nga rutina pinaagi ha padayon nga pagkatirok ha videoconference. Usa nga paramangno han sirkito an nagsiring: “Bisan kon makuri mahibaroan an mahitatabo ha sunod nga adlaw, makapadasig makita an marig-on nga pagtoo ngan diri makikalugaringon nga gugma han aton kabugtoan.”

Ginpapamulat naton an katumanan han saad ha Biblia nga ha diri na maiha ‘papaundangon an mga girra ha bug-os nga tuna.’—Salmo 46:9.