Chii, Yihoowa Markkati asirataa shiishshokkona; nu oosoy asay ba dosan immiyo miishshan oosettees. Asiratay aybee, qassi Yihoowa Markkati asirataa shiishshennay aybissee?

 Asirataa higgee woy issi uri bawu deˈiyabaappe tammaappe issi kushiya immiyogee beni Israaˈeela deriyawu imettida Higgetuppe issuwa. Gidikkonne, ‘asirataa immanaadan azazettidoogaa’ gujjin, Muuse Higgee Kiristtaaneti kaallana bessiyaba gidennaagaa Geeshsha Maxaafay yootees.—Ibraawe 7:5, 18; Qolasiyaasa 2:13, 14.

 Yihoowa Markkati asirataa immiyogaaninne yarshshuwa shiishshiyogan gidennan, beni Kiristtaanetu leemisuwa kaalliyogan bantta haggaazuwa kaafiyo naaˈˈu ogeti deˈoosona: etawu miishshi qanxxettennan sabbakoosonanne tamaarissoosona, qassi bantta dosan miishshaa immoosona.

 Yaatiyo gishshawu, Geeshsha Maxaafay hagaadan giidi Kiristtaanetussi yootiyobawu nuuni azazettoos: “Xoossai ufaissan immiya uraa siiqiyo gishshau, qarettiiddi woi dosennan immiyoogaa gidennan, immiya urai huuphen huuphen ba wozanan qoppidobaa immo.”—2 Qoronttoosa 9:7.