Layttan layttan, Yihoowa Markkatinne miilooniyan qoodettiya shoobettida imattati, Yesuusi azazidoogaadan A hayquwaa Hassayiyo Baalaa bonchchanawu kumetta saˈan shiiqoosona. (Luqaasa 22:19) Ha baalay Yesuusi asaa ashshanawu ba deˈuwaa aatti immido wode oottidobay nuussi ay keena koshshiyaabakkonne akeekanaadan maaddees. Qassi, A yarshshoy ha wodiyaaninne sinttappe nuna waati maaddiyaakko akeekanaadankka maaddees.—Yohaannisa 3:16.

 Hassayiyo Baalaa bonchchanawu neeni ha laytti shiiqin aggin, Yesuusa wozuwaappe waana goˈettana danddayay? Nuuni keehi koshshiya naaˈˈubata oottana bessiyoogaa Yesuusi tamaarissiis:

1.  1. Xoossaabaanne Yesuusabaa tamaara. Yesuusi saluwan deˈiya ba Aawaa woossiiddi hagaadan giis: “Asai nena issi Xoossaa gididaagaa erana malanne, qassi neeni kiittido Yesuus Kiristtoosa erana mala, hagee merinaa de7o.”—Yohaannisa 17:3.

2.  2. Tamaaridobaa oosuwan peeshsha. Yesuusi nuuni I tamaarissidobaa oosuwan peeshshana koshshiyoogaa qunxxissidi yootiis. Leemisuwawu, I Maatiyoosa shemppo 5-7n tamaarissido timirttiyaa kuuyiiddi, ubbay A ‘qaalaa siyidi azazettanaadan’ yootiis. (Luqaasa 6:46-48) Qassi, hara wode I hagaadan giis: “Intte hegaa eridi oottiyaabaa gidikko anjjettidaageeta.”—Yohaannisa 13:17.

 Xoossaabaanne Yesuusabaa loyttada eranawu koyay? Neeni tamaaridobaa oosuwan waata peeshshanaakko eranawu maaddiya zoriya koyay? Kaallidi deˈiyaabati nena maaddana danddayoosona.

 Nuuni miishsha qanxxissennan Geeshsha Maxaafaa xannaˈissiyoogee daroti Geeshsha Maxaafaa pilgganaadaaninne I yootiyoobaa oosuwan peeshshanaadan maaddiis.

•   Ha xannaˈissiyo prograamiyaabaa gujjada eranawu, Nena Tamaarissiya Uraara Geeshsha Maxaafaa Xannaˈa giya sinttaa xeella.

•   Yihoowa Markkatuura Geeshsha Maxaafaa waati xannaˈiyaakko eranawu, Geeshsha Maxaafaa Xannaˈanawu Hashshu Saro Yaadasa! giya biiduwaa beˈa.

 Nuuni Yihoowa Markkati saaminttan naaˈˈutoo SHiiquwaa Addaraashaa geetettiya sohuwan goynnanawu shiiqoos. He shiiqotun Geeshsha Maxaafaabaa tobboosinne I tamaarissiyoobaa waati oosuwan peeshshana danddayiyaakko tamaaroos.

 Ha shiiqota oonikka shiiqana danddayees; neeni Yihoowa Markka gidana xayikkokka shiiqana danddayaasa. Intte heeraa hanotaadan, neeni haratuura issippe shiiqana, woy biiduwan dawaliyoogan shiiqana danddayaasa.

•   He shiiqotun aybi haniyaakko eranawu, SHiiquwaa Addaraashan Oosettiyaabay Aybee? giya biiduwaa beˈa.

•   Ne heeran nu shiiqiyoosaa eranawu, Yihoowa Markkatu Gubaaˈe SHiiquwaa giya sinttaa xeella.

 Ha nu websaytiyan deˈiya huuphe yohotinne biidoti, Yesuusi tamaarissidobatanne A wozo yarshshoy ay keena koshshiyaabakko neeni loytta eranaadan maaddoosona.

 Leemisuwawu, issi ura hayqoy daro miiloone asaa waati maaddiyaakko eranawu, “Yesuusi Waati Ashshii?” qassi, “Yesuusi Waayettidoynne Hayqqidoy Aybissee?” giya huuphe yohota nabbaba, woy Yesuusi Hayqqidoy Aybissee? giya biiduwaa beˈa.