“Mudzimu . . . u ḓo phumula miṱodzi yoṱhe maṱoni avho, lufu a lu tsha ḓo vha hone, u ṱungufhala, u lila na vhuṱungu a zwi tsha ḓo vha hone.”​—Nzumbululo 21:3, 4, Bivhili ya Ṱhalutshedzelo Ya Shango Ḽiswa.

Ni ḓo ḓivha uri a si Mudzimu ane a vhanga thaidzo dzine ra sedzana nadzo.—Yakobo 1:13.

Ni ḓo khuthadzwa nga u ḓivha uri Mudzimu u a pfa vhuṱungu musi ri tshi shengela.—Sakaria 2:8.

Zwi ḓo ni ṋea fhulufhelo ḽa uri tshengelo yoṱhe i ḓo fhela. —Phisalema 37:9-11.

Ee, ri nga tenda nga nṱhani ha zwiitisi zwivhili:

• Mudzimu u vhenga tshengelo na u sa haṱula nga nḓila yo teaho. Ṱhogomelani nḓila ye Yehova Mudzimu a ḓipfa ngayo musi vhathu vhawe vha tshi shengedzwa zwifhingani zwa kale. Bivhili i ri vhudza uri o sinyutshela “vhane vha vha fara luvhi.”—Vhahaṱuli 2:18, Bivhili ya Ṱhalutshedzelo Ya Shango Ḽiswa.

  Mudzimu u vhenga vhane vha vhaisa vhaṅwe. Sa tsumbo, Bivhili i amba uri u vhenga “zwanḓa zwine zwa shulula malofha a si na mulandu.”—Mirero 6:16, 17.

• Mudzimu u na ndavha na riṋe. Samusi muṅwe na muṅwe a tshi “ḓivha thaidzo dzawe na vhuṱungu hawe” na Yehova u a zwi ḓivha!—2 Koronika 6:29, 30.

  Hu si kale Yehova u ḓo shumisa Muvhuso wawe u itela uri muṅwe na muṅwe a si tsha shengela. (Mateo 6:9, 10) Zwa zwino u khuthadza vhane vha ṱoḓa u guda nga hae zwi tshi bva mbiluni.—Mishumo 17:27; 2 Vhakorinta 1:3, 4.