Dziphisalema 37:1-40
Phisalema ya Davida.
א [Aleph]
37 U songo sinyuswa nga vhavhiKana u tama vhaitazwivhi.+
2 Vha ḓo ṱavhanya u puta sa hatsi+Vha ḓo puta sa hatsi vhudala.
ב [Beth]
3 Fhulufhela Yehova u ite zwivhuya+Dzula kha ḽifhasi,* u fhulufhedzee.+
4 Wana dakalo ḽihulu kha Yehova,U ḓo u ṋea zwine mbilu yau ya zwi tama.
ג [Gimel]
5 Kumedzela* nḓila yau kha Yehova;+Fhulufhela ene, u ḓo u thusa.+
6 U ḓo ita uri u luga hau hu penye sa ḓuvha ḽa nga matsheloni,Na khaṱhulo dzau sa ḓuvha ḽa nga masiari.
ד [Daleth]
7 Fhumula phanḓa ha Yehova+U mu lindele u sa fheli mbilu.
U songo sinyuswa nga munnaAne a bvelela kha vhukwila hawe.+
ה [He]
8 Litsha u sinyuwa u furalele mbiti;+U songo sinyuwa, wa ita vhuvhi.*
9 Ngauri vhavhi vha ḓo fheliswa,+Vhane vha fhulufhela Yehova vha ḓo vha vhaṋe vha ḽifhasi.+
ו [Waw]
10 Hu si kale vhavhi a vha tsha ḓo vha hone;+U ḓo sedza he vha vha vhe hone,Wa wana vha si tsheeho.+
11 Fhedzi vho vuḓaho vha ḓo vha vhaṋe vha ḽifhasi,+Vha ḓo takadzwa vhukuma nga muḓalo wa mulalo.+
ז [Zayin]
12 Muvhi u vhambela o lugaho maano mavhi;+U mu shengekanyela maṋo.
13 Fhedzi Yehova u ḓo mu sea,Ngauri U a zwi ḓivha uri ḓuvha ḽawe ḽi ḓo swika.+
ח [Heth]
14 Vhavhi vha ṱomola banga ḽavho, vha akha vhura havhoUri vha wise vho tsikeledzeaho na vhashai,Uri vha vhulaye vha re nḓilani yo lugaho.
15 Fhedzi banga ḽavho ḽi ḓo ṱhavha mbilu dzavho;+Vhura havho vhu ḓo vunḓea.
ט [Teth]
16 Zwithu zwiṱuku zwine muvhuya a vha nazwo zwi khwineU fhira zwithu zwinzhi zwa muvhi.+
17 Ngauri zwanḓa zwa vhavhi zwi ḓo vunḓiwa,Fhedzi Yehova u ḓo tika vho lugaho.
י [Yod]
18 Yehova u a ḓivha zwine vha si na mulandu vha ṱangana nazwo,Ifa ḽavho ḽi ḓo vha ḽa lini na lini.+
19 A vha nga shoniswi nga tshifhinga tsha khombo;Nga tshifhinga tsha nḓala vha ḓo vha na zwinzhi.
כ [Kaph]
20 Fhedzi vhavhi vha ḓo fheliswa;+Maswina a Yehova a ḓo ngala-ngala sa pfulo yavhuḓi;A ḓo ngala-ngala sa vhutsi.
ל [Lamed]
21 Muvhi u a hadzima a si tsha lifha,Fhedzi muvhuya u na mafunda, u a ṋea.+
22 Ḽifhasi ḽi ḓo vha ḽa vho fhaṱutshedzwaho nga Mudzimu,Fhedzi vho semiwaho ngae vha ḓo fheliswa.+
מ [Mem]
23 Yehova u dededza ṋayo dza munna+Musi A tshi takalela nḓila yawe.+
24 Naho a suvha, a nga si we,+Ngauri Yehova u mu tika nga tshanḓa tshawe.+
נ [Nun]
25 U bva ndi tshee muṱuku u swika zwino ndo no aluwa,A thi athu u vhona muvhuya o laṱiwa,+Kana vhana vhawe vha tshi humbela vhurotho.*+
26 Tshifhinga tshoṱhe u hadzima nga fhedzi,+Vhana vhawe vha ḓo fhaṱutshedzwa.
ס [Samekh]
27 Ṱutshela vhuvhi u ite zwivhuya,+Ndi hone u tshi ḓo dzula kha ḽifhasi u ya nga hu sa fheli.
28 Ngauri Yehova u funa khaṱhulo yo teaho,Ha nga ṱutsheli vhathu vhawe vha fhulufhedzeaho.+
ע [Ayin]
Vha ḓo lindwa;+Fhedzi vhaḓuhulu vha vhavhi vha ḓo fheliswa.+
29 Vho lugaho vha ḓo vha vhaṋe vha ḽifhasi,+Vha ḓo dzula khaḽo lini na lini.+
פ [Pe]
30 Mulomo wa muvhuya u amba a vhuṱali,Lulimi lwawe lu amba khaṱhulo yo teaho.+
31 Mulayo wa Mudzimu wawe u mbiluni yawe;+Milenzhe yawe a i nga suvhi musi a tshi khou tshimbila.+
צ [Tsade]
32 Muvhi u lalela o lugaho,A tshi ṱoḓa u mu vhulaya.
33 Fhedzi Yehova ha nga mu kumedzeli zwanḓani zwawe+Kana a wana e na mulandu musi a tshi haṱulwa.+
ק [Qoph]
34 Fhulufhela Yehova u tevhele nḓila yawe,U ḓo u hulisa, ḽifhasi ḽa vha ḽau.
A tshi fhelisa vhavhi+ u ḓo zwi vhona.+
ר [Resh]
35 Ndo vhona munna muvhi wa tshiṱuhuA tshi bvelela sa muri muhulu wo ṱavhiwa mavuni awo.+
36 Fhedzi a fa nga u ṱavhanya a si tsha vha hone;+Nda dzula ndi tshi mu ṱoḓa, ndi sa mu wani.+
ש [Shin]
37 Sedza a si na mulandu,*U dzule wo lavhelesa o lugaho,+Ngauri vhumatshelo ha onoyo munna vhu ḓo vha ha mulalo.+
38 Fhedzi vhapfuki vha mulayo vhoṱhe vha ḓo fheliswa;Vhathu vhavhi a vha nga vhi na vhumatshelo.+
ת [Taw]
39 U tshidzwa ha vho lugaho hu bva kha Yehova;+Ndi ene dzhavhelo ḽavho nga tshifhinga tsha khombo.+
40 Yehova u ḓo vha thusa na u vha tsireledza.+
U ḓo vha lamulela kha vhavhi a vha tshidza,Ngauri vha khuda nga ene.+
Ṱhaluso dzi re magumoni a siaṱari
^ Kana “shango.”
^ Thevhedz., “Thudzela.”
^ Kana khamusi, “U songo sinyuwa, ngauri zwi ḓo u vhaisa.”
^ Kana “zwiḽiwa.”
^ Kana “ane a dzula a tshi fhulufhedzea.”
