جی ہاں۔ نیچے خدا کے کلام پر مبنی کچھ ایسے عمدہ مشورے دیے گئے ہیں جن سے لاکھوں مردوں اور عورتوں کو اپنی گھریلو زندگی کو خوش‌گوار بنانے میں مدد ملی ہے:‏

1.   اپنی شادی کو قانونی طور پر رجسٹر کروائیں۔‏ قانونی لحاظ سے رجسٹرشُدہ شادی عمر بھر کا معاہدہ ہوتی ہے اور یہ خوش‌گوار گھریلو زندگی کی بنیاد ہوتی ہے۔—‏متی 19:‏4-‏6‏۔‏

2.   محبت اور احترام ظاہر کریں۔‏ اِس میں یہ شامل ہے کہ آپ اپنے جیون ساتھی کے ساتھ اُسی طرح پیش آئیں جس طرح آپ چاہتے ہیں کہ وہ آپ کے ساتھ پیش آئے۔—‏متی 7:‏12؛‏ اِفسیوں 5:‏25،‏ 33‏۔‏

3.   تلخ باتیں کہنے سے گریز کریں۔‏ اپنے جیون ساتھی کے ساتھ اُس وقت بھی نرمی سے بات کریں جب اُس کی کسی بات یا کام سے آپ کا دل دُکھتا ہے۔ (‏اِفسیوں 4:‏31، 32‏)‏ اِس سلسلے میں امثال 15:‏1 میں لکھا ہے:‏ ”‏نرم جواب قہر کو دُور کر دیتا ہے پر کرخت باتیں غضب‌انگیز ہیں۔“‏

4.   ایک دوسرے کے وفادار رہیں۔‏ اپنے دل میں صرف اپنے جیون ساتھی کے لیے رومانوی اور جنسی جذبات رکھیں اور صرف اُسی سے اِن کا اِظہار کریں۔ (‏متی 5:‏28‏)‏ پاک کلام میں لکھا ہے:‏ ”‏شادی کا بندھن سب لوگوں کی نظر میں باعزت ہو اور ازدواجی تعلقات پاک رہیں۔“‏—‏عبرانیوں 13:‏4‏۔‏

5.   پیار سے اپنے بچوں کی تربیت کریں۔‏ بچوں پر نہ تو حد سے زیادہ سختی کریں اور نہ ہی اُنہیں حد سے زیادہ ڈھیل دیں۔—‏امثال 29:‏15؛‏ کُلسّیوں 3:‏21‏۔‏