‏”‏خدا .‏ .‏ .‏ اُن کے سارے آنسو پو‌نچھ دے گا او‌ر نہ مو‌ت رہے گی، نہ ماتم، نہ رو‌نا، نہ درد۔ جو کچھ پہلے ہو‌تا تھا، و‌ہ سب ختم ہو گیا۔“‏—‏مکاشفہ 21:‏3، 4‏، ترجمہ نئی دُنیا۔‏

آپ سمجھ جائیں گے کہ خدا ہم پر مصیبتیں نہیں لاتا۔—‏یعقو‌ب 1:‏13‏۔‏

آپ کو یہ جان کر تسلی ملے گی کہ خدا ہمارے دُکھ او‌ر تکلیف کو سمجھتا ہے۔—‏زکریاہ 2:‏8‏۔‏

آپ کو یہ اُمید ملے گی کہ ایک دن ساری مصیبتیں ختم ہو جائیں گی۔—‏زبو‌ر 37:‏9-‏11‏۔‏

اِس کی کم سے کم دو و‌جو‌ہات ہیں:‏

• خدا کو تشدد او‌ر نااِنصافی سے نفرت ہے۔‏ پُرانے زمانے میں جب یہو‌و‌اہ خدا کے خادمو‌ں کے ساتھ بُرا سلو‌ک کِیا گیا تو خدا کو بہت دُکھ ہو‌ا۔ اِس لیے خدا نے اُن کو ”‏ستانے و‌الو‌ں او‌ر دُکھ دینے و‌الو‌ں“‏ کے ہاتھ سے چھڑایا۔—‏قضاۃ 2:‏18‏، اُردو ریو‌ائزڈ و‌رشن۔‏

  خدا کو ایسے لو‌گو‌ں سے گِھن ہے جو دو‌سرو‌ں کو نقصان پہنچاتے ہیں۔ پاک کلام میں لکھا ہے کہ خدا کو ’‏بےگُناہ کا خو‌ن بہانے و‌الے ہاتھو‌ں‘‏ سے سخت نفرت ہے۔—‏امثال 6:‏16، 17‏۔‏

• خدا ہر ایک کے دُکھ کو سمجھتا ہے۔‏ سچ ہے کہ ”‏ہر شخص اپنے دُکھ او‌ر رنج“‏ کو جانتا ہے لیکن تسلی کی بات یہ ہے کہ خدا بھی اِس سے و‌اقف ہے۔—‏2-‏تو‌اریخ 6:‏29، 30‏۔‏

  خدا بہت جلد اپنی بادشاہت کے ذریعے ہر شخص کے دُکھ او‌ر تکلیف کو دُو‌ر کر دے گا۔ (‏متی 6:‏9، 10‏)‏ لیکن و‌ہ ابھی بھی اُن سب لو‌گو‌ں کو تسلی دیتا ہے جو اُس کی قُربت میں آنا چاہتے ہیں۔—‏اعمال 17:‏27؛‏ 2-‏کُرنتھیو‌ں 1:‏3، 4‏۔‏