Vonjo yimue okuti olonjali vi li sole kuenda via lisumbila pokati, ci kuatisa omãla oku kulila vekalo limue liwa. (Va Kolosai 3:14, 19) Olonjali viwa vi sole omãla vavo kuenda vava sanjukila ndeci Yehova Suku a sanjukila Omõlaye.​—Tanga Mateo 3:17.

Isietu wokilu o yevelela afendeli vaye kuenda wa kapako ovisimĩlo viavo. Olonjali vi linga ciwa poku kuama ongangu yaye kuenda oku yevelela omãla vavo osimbu va vangula. (Tiago 1:19) Va sukila oku kũlĩha ovisimĩlo viomãla vavo oku kongelamo ahonguo avo.​—Tanga Atendelo 11:11, 15.

Omo okuti unjali, o kuete omoko yoku tumbika ovihandeleko. (Va Efeso 6:1) Lilongisa ongangu ya Suku. Eye o lekisa ocisola komãla vaye poku tumbika olonumbi via sunguluka kuenda oku lekisa ovitangi vi tunda koku u sinĩla. (Efetikilo 3:3) Yehova ka kisika omanu oku pokola kokuaye pole, o va longisa oku limbuka ekuatiso li tunda koku linga eci ca sunguluka.​—Tanga Isaya 48:18, 19.

Likolisilako oku kuatisa omãla vove oku sola Suku. Ovo va lekisa olondunge ndaño ceci va kasi likaliavo. Ndeci Suku a siata oku lekisa ongangu yiwa, longisavo omãla vove oku sola Suku, poku likolisilako oku lekisa ongangu yiwa.​—Tanga Esinumuĩlo 6:5-7; Va Efeso 4:32; 5:1.