“Oluali luosi lu kasi povaka Ondingaĩvi.”—1 Yoano 5:19.

“Omõla a Suku [weya] oco a nyõle ovilinga Vieliapu.”—1 Yoano 3:8, Embimbiliya li Kola.

O kuata elomboloko liesunga lieci voluali mu kasilili ovitangi.—Esituluilo 12:12.

Esunga lieci o kolelela okuti, voluali lulo mu ka kala ekalo liwa.—1 Yoano 2:17.

Oco, omo liasunga atatu a kuãimo ndeci:

• Uviali wa Satana ka u kuete elavoko. Yehova wa nõlapo oku malako uviali wa Satana komanu. Eye wa likuminya oku “nyõla . . . Eliapu” kuenda oku malako ovina viosi vĩvi olio lia kokela omanu.—Va Heveru 2:14, Embimbiliya li Kola—Epongoluilo Lioluali Luokaliye.

• Suku wa nõla Yesu Kristu oco a viale oluali. Uviali wa Yesu wa litepa calua, luviali wombiali ongangala yoluali lulo haeye ukuepela. Catiamẽla kuviali wa Yesu, Suku wa likuminya hati: “Eye o ka kuatela ohenda osuke lohukũi . . . Eye o ka va yovola kohali kuenda kungangala.”—Olosamo 72:13, 14.

• Suku ka kembi. Embimbiliya lia teta onimbu poku popia hati: “Ka citava okuti Suku o kemba.” (Va Heveru 6:18) Yehova nda o likuminya oku linga cimue, o ci tẽlisa! (Isaya 55:10, 11) Ocili okuti, ‘ombiali yoluali lulo yi ka tundisiwa.’—Yoano 12:31.