Һәр жили пүтүн дунияниң җай-җайлиридики Йәһва гувачилири вә уларниң миллионлиған меһманлири Әйса пәйғәмбәр буйруқ бәргәндәк, униң өлүмини хатириләш үчүн җәм болиду (Луқа 22:19). Бу Хатириләш мәрасими Әйса Мәсиһниң инсанлар үчүн өз җенини пида қилғанлиғиниң муһимлиғини чүшинип йетишкә ярдәм бериду. Униңдин башқа, жиғилишта Әйсаниң қурбанлиғи һаятимизға һазирму вә келәчәктиму қандақ тәсир қилалайдиғанлиғи чүшәндүрүлиду (Йоһан 3:16).

 Бу жили Хатириләш мәрасимиға қатнашқан яки қатнашмиған болсиңиз, Әйса пәйғәмбәрниң җан пида қилип бәргән қурбанлиғиниң қандақ пайдисини көрәләйсиз? Әйса Мәсиһ бизгә икки муһим иш қилишимиз керәклигини үгәткән:

1.  1. Яратқучи Худа вә Әйса Мәсиһ һәққидә билим елиң. Һәзрити Әйса асмандики Атисиға дуа қилип, мундақ дегән: «Мәңгүлүк һаятқа еришиш үчүн, Сән йеганә һәқ Худани вә Сән әвәткән Әйса Мәсиһни тонуш керәк» (Йоһан 17:3, ЙД).

2.  2. Үгәнгәнлириңизни қоллиниң. Әйса пәйғәмбәр күндилик турмушимизда униң тәлимлирини қоллинишимиз керәклигини тәкитлигән. Мәсилән, у Тағдики вәз-нәсиһәт нутуғини йәкүнләп, «сөзлири[ни] тиңшап, уларға әмәл қилған» һәрбир кишини махтиған (Луқа 6:46—48). Шуниңға охшаш башқа вәзийәттә у: «Буни билип, шуниңға әмәл қилсаңлар, бәхитликсиләр»,— дегән (Йоһан 13:17).

 Тәңри Худа вә һәзрити Әйса һәққидә көпирәк билим елишни халамсиз? Үгәнгәнлириңизни қоллинишниң қандақ әң яхши усули барлиғини биливелишни халамсиз? Төвәндики мәслиһәтләр сизгә ярдәм берәләйду.

 Муқәддәс Язмилар һәққидә билим ашуруш дәрислиги нурғун кишиләргә Муқәддәс китапни тәтқиқ қилип, үгәнгәнлирини күндилик турмушида әмәлийәттә қоллинишқа ярдәм бәрди.

•   «Тәлим бәргүчи билән Муқәддәс Язмилар һәққидә билим ашуруш» дегән бәтни ечип, бу үгиниш һәққидә көпирәк мәлуматқа еришиң.

•   Йәһва гувачилириниң Муқәддәс китап тәтқиқ үгинишини қандақ өткүзидиғанлиғини биливелиш үчүн «Муқәддәс китап үгинишигә хуш кәлдиңиз!» намлиқ видеони көрүң.

 Йәһва гувачилири Ибадәт өйи дәп атилидиған җайларда һәр һәптидә икки қетим жиғилиду. Бу жиғилишларда биз Муқәддәс китапни вә униң тәлимлирини һаятимизда қандақ қоллинишни муһакимә қилимиз.

 Ибадәт өйлириниң ишиклири һәммисигә очуқ. Бу жиғилишларға қатнишишни халисиңиз, һечким сиздин Йәһва гувачиси болушни тәләп қилмайду. Йәрлик вәзийәтләргә қарап, сиз үзму үз яки интернет арқилиқ жиғилишларға қатнашсиңиз болиду.

•   Жиғилишларниң қандақ өткүзүлидиғанлиғини биливелиш үчүн «Ибадәт өйлиригә немә үчүн жиғилимиз?» намлиқ видеони көрүң.

•   Җамаәт жиғилиши өткүзүлидиған сизгә әң йеқин җайни тепиш үчүн «Йәһва гувачилириниң җамаәт жиғилишлири» дегән торбетимиздики бәтни ечип көрүң.

 Торбетимиздики нурғун мақалиләр вә видеолар сизгә Әйса Мәсиһниң тәлимлири һәққидә көпирәк билим елишқа вә униң төләм қурбанлиғи сүпитидә бәргән һаятини қәдирләшкә ярдәм бериду.

 Бир инсанниң өлүми қандақларчә пүткүл инсанийәтниң бәхиткә еришишигә йол ачқанлиғини биливелиш үчүн «Әйса Мәсиһ инсанларни қандақ қутқузиду?» вә «Немә үчүн Әйса Мәсиһ азап-оқубәтләрни чекип өлгән?» намлиқ мақалиләрни оқуң яки «Әйса Мәсиһ немә үчүн өлди?» намлиқ видеони көрүң.