Ӟеч иворез милемлы вера Иегова, шудо Инмар, кудӥзлэн потэ, семьяос шудоесь мед луозы шуыса (1 Тимофейлы 1:11, ВД). Со кузпалъяськонэз кылдытӥз. Семья шудо мед луоз шуыса, пиосмуртлы но кышномуртлы одно ик гожтӥськыса улоно. Со юрттоз кузпалъёслы но нылпиослы шӧдыны, соос шудоесь но соосты ярато шуыса. Кинъёслэн Инмарлэсь кылзӥськемзы потэ, соослы гожтӥськоно со катъёсъя, кудъёсыз кутэмын соослэн шаеразы. (Лыдӟе Лукалэсь 2:1, 4, 5.)

Кызьы Инмар кузпалъяськон шоры учке? Солэн потэ, пиосмуртлэн но кышномуртлэн кузпалъяськонзы вань улытозязы мед кыстӥськоз шуыса. Иеговалэн потэ, карт но кышно ог-огзылы оскымон мед луозы шуыса (Еврейёслы 13:4). Инмар люкиськонэз адӟемпотостэм каре (Малахия 2:16, ВД). Но со лэзе христиан муртлы люкиськыны но выльысь кузпалъяськыны, солэн кузпалыз азон-калгон сьӧлыке пыриз ке. (Лыдӟе Матфейлэсь 19:3—6, 9.)

Иегова пиосмуртэз но кышномуртэз кылдытӥз озьы, соос ог-огзылы юрттӥськись мед луозы шуыса (Улон-вылон 2:18). Карт — семьялэн йырыз. Со кышнозэ но нылпиоссэ сюдыны-дӥсяны но соосын Библиез дышетыны кулэ. Картлы кышноез понна малэсь ке но куштӥськыны дась луоно. Кузпалъёслы ог-огзэс яратоно но гажано. Вань адямиос сьӧлыкоесь бере, туж кулэ дышетскыны ог-огдэ простить карыны. Простить карыны быгатон туж кулэ, малы ке шуоно со семьяез шудо каре. (Лыдӟе 1 Пётрлэсь 3:7; Ефесъёслы 4:31, 32; 5:22—25, 33.)

Кузпалъёс вискын шуг-секытъёс кылдо ке, соослы кыкназылы но ог-огзэс яратыны дышетсконо (1 Коринфъёслы 13:4, 5). Инмарлэн Кылаз верамын ӧвӧл, нимаз улон семьяысь  шуг-секытъёсты сэрттыны-пертчыны юрттоз шуыса. (Лыдӟе 1 Коринфъёслы 7:10—13.)

Иегова сӥзе тӥледлы, тӥ шумпотыса мед улоды шуыса. Тӥ Иеговалэсь кылзӥськиды ке, быгатоды трос шуг-секытъёслэсь палэнскыны но шудо луыны. Озьы ик солэн потэ, тӥ анай-атайёстылэсь мед кылзӥськоды шуыса, малы ке шуоно соос тӥлесьтыд визьмогес но тӥ сярысь тросгес тодо (Колоссыослы 3:20). Со сяна, Иеговалэн потэ на, тӥ солы но солэн Пиезлы мар ке но мед кароды шуыса, малы ке шуоно со тодэ, со тӥледлы шумпотон ваёз шуыса. (Лыдӟе Екклесиастэз 11:9—12:1; Матфейлэсь 19:13—15; 21:15, 16.)

Тӥледлы сюлмаськыны кулэ, нылпиостылэн сиёнзы, дӥськутсы но улон интызы мед луоз шуыса (1 Тимофейлы 5:8). Нош нылпиосты шудо мед луозы шуыса, тӥледлы озьы ик дышетоно соосты Инмарез яратыны но солэсь кылзӥськыны (Ефесъёслы 6:4). Та удысын тӥ соослы пример возьматыны кулэ. Нылпиосты Инмарез яратэмдэс адӟизы ке, со соослэн сюлмазы мур пыӵалоз. Инмарлэн Кылыз юрттоз тӥледлы нылпидэс шонер дышетыны но будэтыны. (Лыдӟе Кыкетӥ Законэз 6:4—7; Мадёнъёсты 22:6.)

Нылпиостэс ушъяны но соослы яратэмдэс вераны кулэ. Озьы ик соосты тупатыны но кылкутытыны кулэ. Со утёз соосты ужъёслэсь, кудъёсыз вань улонзэс сӧрыны быгатозы (Мадёнъёс 22:15). Нош тӥ нылпидэс кылкутытӥськоды ке, кулэ ӧвӧл асьтэды лек но жалясьтэм возьыны. (Лыдӟе Колоссыослы 3:21.)

Иеговалэн Адӟись-Ивортӥсьёсыз кӧня ке книгаос поттӥзы, кудъёсыз юрттозы анай-атайёслы но нылпиослы. Со книгаос Библия вылэ пыкиськемын. (Лыдӟе Псалтирез 18:8, 12.)