02-ги КИЧЭЭЛ
Бурганның Сөзү идегелди берип турар
Бүдүн делегейде улус бергелерден, аарышкыдан хинчектенип чоруур. Силерни база дүвүредип чоруур бир-ле чүүл бар бооп чадавас. Чоок кижиңер чок апарган болза азы аарый берген болзуңарза: «Чуртталга кажан-бир экижиир ирги бе?» деп боданган чадавас силер. Библиядан харыы силерни кайгадыптар чадавас.
1. Библия кандыг идегелди берип турар?
Делегейде мынча хөй хилинчек-човалаңның чүге болуп турарын Библияда тайылбырлап турар. Оон аңгыда, амгы үеде бар бергелер түр када база келир үеде олар турбас деп Библияда бижээн. Ында аазаашкыннар «силерге келир үени, идегелди хайырлаар». (Номчуптуңар: Иеремия 29:11, 12.) Чуртталгавыска бергелер турза-даа, ол аазаашкыннар амгы үеде безин аас-кежиктиг болурунга база келир үеже быжыг идегелдиг көөрүнче дузалап турар.
2. Библияда келир үе дугайында чүү дээнил?
Удавас «өлүм-даа, ыы-сыы-даа, ажыг-шүжүг-даа, аарышкы-даа турбас» деп Библияда бижээн. (Номчуптуңар: Ажыдыышкын 21:4.) Амгы үеде нептерээн чөптүг эвес, ядыы-түреңги чорук, аарыг-аржык, өлүм-чидим кезээ мөңгеде чиде бээр. Удавас чер дываажаң апаарга, кижилер мөңге чурттаар деп, Библия аазап турар.
3. Библияда аазаашкыннар күүсеттинер деп канчаар шынзыгып болур бис?
Кижилер эки чүүлге идегеп чоруур-даа болза, оларның идегели күүсеттине бээр деп кандыг-даа магадылал чок. А Библияның аазаашкыннары ындыг эвес. «Бижилгени хынамчалыг шинчилеп» тургаш, ооң аазаашкыннары шынныг деп билип каар бис (Ажыл-чорудулга 17:11). Библияны ханы шинчилеп тургаш, ол бүзүрелге төлептиг бе деп боттарыңар шиитпирлээр силер.
ХАНЫ ШИНЧИЛЕҢЕР
Келир үениң дугайында Библияда чүү деп бижээнил база ол аазаашкын кижилерге амгы үеде безин канчаар дузалап турарыл?
4. Библия биске кайгамчыктыг мөңге чуртталганы аазап турар
Дараазында бижээн каш библейжи аазаашкыннарны көрүп көрүңер. Кайызы силерниң сеткилиңерге кирер-дир? Чүге?
Ол аазаашкыннарга хамааржыр библейжи шүлүктерни номчааш, боданып көрүңер:
-
Силерге ол сөстер идегелди берип турар-дыр бе? А силерниң өг-бүлеңерге болгаш эш-өөрүңерге ол идегел херек бе?
Бүгү делегейге мындыг чуртталганы сагыштаалап көрүңер:
|
КЫМ-ДАА... |
ШУПТУ УЛУС... |
|---|---|
|
|
|
|
|
|
|
|
|
|
5. Библиядан идегел чуртталганы эки талаже өскертир
Делегейде байдал хөй-ле кижилерни ундарадып, безин килеңнедип турар. А чамдык улус байдалды өскертир дээш, бар-ла шаа-биле туржуп турар. Ындыг-даа болза, Библияда аазаашкыннар амгы үеде безин кижилерге канчаар дузалап турарын билип ап болур силер. ВИДЕОНУ көргеш, дараазында айтырыгларга харыылаптыңар:
-
Рафика кандыг чөптүг эвес чорукка таарзынмайн чораан?
-
Чөптүг эвес чорук шиитпирлеттинмээн-даа болза, Библиядан билиглери аңаа канчаар дузалааныл?
Библейжи аазаашкыннар бергелер турза-даа ундаралды ажып эртеринге база аас-кежиктиг болурунга дузалап турар. Чугаалар 17:22 биле Римчилерге 12:12-ни номчааш, харыылаптыңар:
-
Библияның аазап турары идегел силерниң чуртталгаңарны амгы үеде экижидип болур бе? Чүге ынча деп бодаар силер?
ЧАМДЫК УЛУС МЫНЧА ДЕП БОЛУР: «Библияда аазаашкыннар дээрге чараштап каан тоолчургу чугаа-дыр».
-
Ол аазаашкыннар шын бе азы меге чүүл бе деп сайгарып билип алыры чүге чугула?
КОЛ БОДАЛ
Библия биске идегелди берип, бергелерни ажып эртеринге дузалап турар.
Катаптаашкын
-
Бурганның аазаашкыннарын билип алыры чүге чугула?
-
Библияда келир үе дугайында чүү дээнил?
-
Келир үеже идегел амгы үеде безин силерге канчаар дузалап болур?
НЕМЕЛДЕ
Идегеливис канчаар дузалап турарының дугайында номчуп көрүңер.
«Идегел. Ол шынап-ла дузалап турар бе?» («Оттуп келиңер!» апрель 22, 2004 чыл)
Хоочураан аарыглыг улуска келир үеже идегел канчаар дузалап болурун номчуп көрүңер.
«Хоочураан аарыглыг болза, Библия дузалап болур бе?» (веб-статья)
Бо хөгжүмнүг видеону көрүп тургаш, дываажаңга бодуңарны болгаш өг-бүлеңерни сагыштаалап көрүңер.
Библиядан келир үеже идегел бир идепкейжи кижиниң чуртталгазын канчаар өскерткенин номчуңар.
«Делегейни өскертир деп ам бодавайн турар мен» («Таңныыл суургазы» июль 1, 2013 чыл)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
