Te pahono ra te Bibilia
E nafea ia tauturu i te tamarii ia here i te Atua?
A faaohipa i te mau mea i poietehia no te tauturu i ta oe tamarii ia ite e ia here i te Atua
No te here i te Atua, e titauhia ia papu i to tamarii te vai mau ra O ˈna e e Atua î i te here oia. Mea faufaa roa ïa ia haapii i to tamarii o vai te Atua. (Ioane 1, 4:8) A faataa ia ˈna: No te aha te Atua i poiete ai i te taata, no te aha te Atua e vaiiho ai ia tupu te mauiui, eaha ta te Atua e rave no te huitaata a muri aˈe.—A taio i te Philipi 1:9.
No te tauturu i ta oe tamarii ia here i te Atua, mea tia ia ite oia te na reira atoa ra oe. Mea ohie aˈe no ˈna ia pee i to oe hiˈoraa.—A taio i te Deuteronomi 6:5-7; Maseli 22:6.
E nafea ia putapû te aau o ta oe tamarii?
Mea puai te Parau a te Atua. (Hebera 4:12) A tauturu ïa i ta oe tamarii ia taa i te mau haapiiraa tumu o te Bibilia. Ua haaputapû Iesu i te aau o te taata ma te horoa i te uiraa, ma te faaroo ia ratou e ma te faataa i te mau Papai. A haapii ai i ta oe tamarii, a pee i te hiˈoraa o Iesu ia putapû to ˈna aau.—A taio i te Luka 24:15-19, 27, 32.
A hiˈopoa atoa i te mau aamu Bibilia e to tamarii, e ite ïa o ˈna i to te Atua huru i nia i te taata e e here oia ia ˈna. Ua faaineinehia e ua tuuhia te mau papai i nia www.pr418.com ia naea ia oe tera fa.—A taio i te Timoteo 2, 3:16.
E au atoa outou . . .
TAMARII
A riro ei hoa no Iehova
E tauturu teie mau video aamu penihia, himene, hohoˈa e tareta neneihia i te mau tamarii ia ite e nafea ia faaoaoa i te Atua.
TE PARE TIAIRAA
E nafea ia haapii i te tamarii?—Ravea maitai roa
BUKA E BUKA RAIRAI
