Mea rahi iho â te parau paari i roto i te Bibilia, parau-atoa-hia te mau Papai moˈa. Tera râ, te haapapu mai ra te Bibilia: “Te mau Papai moˈa atoa, ua papaihia ïa i raro aˈe i te aratairaa a te varua o te Atua” (Timoteo 2, 3:16) Mea rahi te mea e haapapu ra i teie parau:

•   Aita e taata i haapapu aˈenei ua hape te mau faatiaraa a te Bibilia.

•   E feia haavare ore tei papai i te Bibilia, aita ratou i huna hoê noa ˈˈe parau. Na tera e haapapu ra e mea tano ta ratou faatiaraa.

•   Te manaˈo tumu o te Bibilia: te haapapuraa o te tiaraa o te Atua no te faatere i te huitaata e te tupuraa ta ˈna opuaraa na roto i ta ˈna Faatereraa arii i te raˈi.

•   Noa ˈtu ua papaihia tausani matahiti na mua ˈtu, aita te Bibilia i hape aˈenei, eiaha ïa mai te tahi atu mau mea i haapiihia i tahito ra i te pae o te ihi.

•   Te haapapu mai ra te mau maimiraa e ua tupu mau iho â te tahi mau parau tohu Bibilia.