Ki te Kau Epelu 2:1-18
2 Tenā eiloa te pogai e ‵tau ei o ‵saga malosi atu tatou ki mea kolā ko oti ne lagona ne tatou,+ ko te mea ke mo a ma tapea‵pea tatou kea‵tea.+
2 Me kafai e tonu te muna telā ne faipati mai e auala i agelu,+ kae ko amioga solitulafono katoa mo te sē fakalogo ne maua se fakasalaga ki ei e ‵tusa mo te faiga o fakamasinoga ‵tonu,+
3 e mafai la pefea o ‵sao tatou māfai ne seki fia ‵saga atu tatou ki se fakaolataga lasi penei?+ Me i te mea tenei ne kamata o faipatigina e auala i te ‵tou Aliki+ kae ne fakatalitonu mai ki a tatou ne tino kolā ne lagona ne latou a ia,
4 kae ko te Atua ne kau atu ki ei o fakamaea faka‵lei te molimau e auala i te faiga o fakailoga mo mea fakaofoofogia mo galuega ‵mana+ kese‵kese mo te tufamaiga o te agaga tapu e ‵tusa eiloa mo tena loto.+
5 Me ne seki tuku ne ia ke nofo mai lalo i agelu a te lalolagi nofoaki telā ka oko mai,+ tenei e fai‵pati tatou ki ei.
6 Kae e tasi te koga ne fai mai ei se molimau, penei: “Se a te aoga o te tagata e mafaufau ei koe ki ei, io me ko te tama a te tagata ke tausi koe ki ei?+
7 Ne fai ne koe a ia ke tai malalo ifo i agelu; kae ne fakafou ne koe a ia ki te ‵malu mo te fakaaloalo, kae fakasopo aka a ia ke pule i galuega kolā ne fai ki ou lima.
8 Ne tuku ne koe a mea katoa mai lalo i ana vae.”+ Mai te tukuatuga o mea katoa ki a ia,+ e seai eiloa se mea e tasi ne seki tuku atu ne te Atua mai lalo i a ia.+ Kae e tonu me e seki lavea nei ne tatou a mea katoa ke tuku mai lalo i a ia.+
9 Kae ko lavea ne tatou i a Iesu, telā ne fai ke tai malalo ifo i agelu,+ ko fakafou nei ki te ‵malu mo te fakaaloalo me ne logo‵mae a ia i te mate,+ ko te mea ke tami a ia ki te mate mō tino katoa e auala i te alofa tauanoa o te Atua.+
10 Me e ‵tau eiloa mo te tino telā ne faite ne ia a mea katoa mō ia kae e auala foki i a ia, ke aumai ne ia a tama e tokouke ki se tulaga ‵malu,+ ko te mea ke katoatoa te ‵lei o te Sui Sili o te lotou fakaolataga+ e auala i ana logo‵maega.+
11 Me i te tino telā e fakatapu ne ia a tino fakatasi mo tino kolā e fakatapugina+ e māfua katoa mai i te tino e tokotasi,+ ko te pogai eiloa tenei e se mā ei a ia o taku latou ne taina,+
12 e pelā mo ana pati: “Ka folafola atu ne au tou igoa ki oku taina; ka tavae ne au koe i loto i te fakapotopotoga ki pese.”+
13 Kae ne toe fai mai penei: “Ka talitonu au ki a ia.”+ Kae toe fai mai foki: “Kiloke! ko au mo tama‵liki fo‵liki kolā ne tuku mai ne Ieova* ki a au.”+
14 Tela la, ona ko “tama‵liki fo‵liki” ne faite ki toto mo ‵kano, ne fai foki a ia penā,+ ko te mea ke fakaseai atu ne ia e auala i tena mate a te māfuaga o te mate,+ telā ko te Tiapolo,+
15 kae ke mafai ne ia o fakasaoloto a tino katoa kolā e ‵nofo pologa i olotou olaga kātoa ona ko te lotou ma‵taku ki te mate.+
16 Me e se fesoasoani atu a ia ki agelu, kae e fesoasoani atu ki tama* a Apelaamo.+
17 Tela la, ne ‵tau o fai a ia e pelā mo ana “taina” i feitu katoa,+ ko te mea ke fai a ia mo fai se faitaulaga sili telā e alofa fakamagalo kae fakamaoni i mea e uiga ki te Atua, ko te mea ke ofo atu se taulaga mō agasala a tino ke faka‵lei latou mo te Atua.+
18 Ona ko ia ne logo‵mae i te taimi ne tofotofo ei a ia,+ ko mafai ei ne ia o fesoasoani atu ki a latou kolā e tofotofogina.+