Ivyo Ŵanthu Ŵakufukura Vinthu Vyapasi Ŵali Kusanga Vikusimikizgira Kuti Themba Davide Likaŵako Nadi
Baibolo likulongora kuti Themba Davide likaŵako m’ma 1000 B.C.E. ndipo ŵana na ŵazukuru ŵake ŵakawusa vyaka mahandiredi ghanandi. Ndipouli, ŵanthu ŵanyake ŵakuti Davide ŵakaŵako nadi yayi ndipo nkhani yake ntchidokoni waka. Kweni kasi Themba Davide likaŵako nadi?
Mu 1993, wakufukura vinthu vyapasi zina lake Avraham Biran na ŵanyake ŵakasanga libwe ku Tel Dan, kumpoto kwa charu cha Israyeli. Pa libwe ili pali kulembeka mazgu ghakuti “Nyumba ya Davide.” Ŵanthu ŵali kusanga kuti mazgu agha ghakalembeka cha m’ma 800 B.C.E. Vikulongora kuti libwe ili likaŵa limoza mwa malibwe agho Ŵaaramiya ŵakazengera chipilara kulongora kukondwa kuti ŵathereska Ŵaisrayeli.
Nkhani yinyake yikuti: “Ŵanthu ŵanyake ŵakawonanga kuti mazgu agho ghakaŵa pa libwe ili ghakuti ‘Nyumba ya Davide’ ukaŵa ukaboni wakugomezgeka yayi . . . Kweni ŵakaswiri ŵanandi awo ŵakusanda vya Baibolo ŵakuti libwe ilo lili kusangika ku Tel Dan likupeleka ukaboni wakugomezgeka kuti Themba Davide ilo likuzunulika mu Baibolo, likaŵako nadi. Ŵakuti libwe ili ntchimoza mwa vinthu vyakuzirwa chomene ivyo magazini ya BAR [Biblical Archaeology Review] yikalongosora.”—Bible History Daily.
Panji Mungatemwa Kuŵerengaso Nkhani Izi
VISAMBIZGO VYAKUZIRWA VYA MU BAIBOLO
Kasi Baibolo Likutiphalira Unenesko?
Usange Baibolo ndakufuma kwa Chiuta, likwenera kupambana na mabuku ghanyake ghose.
GONGWE LA MULINDA—LAKUSAMBIRA PA MPINGO
Wakaŵa wa mu Mbumba ya Kayafa
Bokosi la Miriam ilo lili kusangika likutipa ukaboni wakuti Baibolo likuyowoya za ŵanthu awo ŵakaŵako nadi.
GONGWE LA MULINDA
Davide na Goliyati—Kasi Vikachitika Nadi?
Ŵanyake ŵakukayikira nkhani ya Davide na Goliyati. Kasi ŵakuneneska?
