Mafumbo Agho Baibolo Likuzgora
Kasi mungaŵawovwira wuli ŵana kuti ŵatemwenge Chiuta?
Ŵana muŵalongorenge ivyo Chiuta wali kulenga kuti ŵamumanye na kumutemwa
Ŵana ŵinu ŵangamba kutemwa Chiuta usange ŵakugomezga kuti waliko kweniso kuti wakuŵatemwa. Kuti ŵambe kumutemwa, ŵakwenera kumumanya dankha. (1 Yohane 4:8) Ŵana ŵakwenera kumanya mazgoro gha mafumbo agha: Chifukwa wuli Chiuta wakalenga ŵanthu? Chifukwa wuli Chiuta wakuzomerezga masuzgo? Kasi Chiuta wazamuŵachitira vichi ŵanthu munthazi?—Ŵazgani Ŵafilipi 1:9.
Imwe ndimwe mwambe kutemwa Chiuta, ndipo ŵana nawo ŵambenge kumutemwa. Para ŵana ŵawona kuti imwe mukutemwa Chiuta, nawo ŵachitenge nga ndimwe.—Ŵazgani Duteronome 6:5-7; Zintharika 22:6.
Kasi mungachita wuli kuti muŵasambizge makora ŵana?
Mazgu gha Chiuta ngankhongono. (Ŵahebere 4:12) Ntheura ŵana ŵinu ŵasambizgani mazgu gha Chiuta. Kuti Yesu wasambizge makora, wakafumbanga mafumbo, wakategherezganga, kweniso wakalongosoranga makora Malemba. Namwe kuti musambizge makora ŵana ŵinu, mukwenera kuchita nga ni Yesu.—Ŵazgani Luka 24:15-19, 27, 32.
Mu Baibolo muli nkhani izo zikulongora umo Chiuta wakachitira na ŵanthu kumasinda. Nkhani izi zingawovwira ŵana kuti ŵamanye Chiuta na kumutemwa. Pa Webusayiti ya www.pr418.com/tum, pali mabuku ghanandi agho ghalembekera ŵana.—Ŵazgani 2 Timote 3:16.
Panji Mungatemwa Kuŵerengaso Nkhani Izi
ŴANA
Ŵani Ŵabwezi ŵa Yehova
Vidoli, sumu na vinyake ivyo mungachita vikovwira kuti ŵana ŵakondweskenge Chiuta.
Sangwani na nkhani 116 za mu Baibolo. Ni zaunenesko, zambura kusuzga kupulikiska, ndipo zalongosoleka makora chomene.
Buku Lane la Nkhani za mu Baibolo—Mazgu Ghakwamba
Ili ni buku la nkhani izo zikacitika nadi. Nkhani zake zatoleka mu Buku lakuzirwa kuluska mabuku ghose pa caru chapasi, Baibolo. Zikulongosora mbiri ya caru kufuma apo Ciuta wakayamba kulenga caru mupaka kufika lero.
MABUKU
