Yesu wakayowoyapo yayi kuti ŵasambiri ŵake ŵababenge ŵana panji yayi. Ŵasambiri ŵake nawo ŵakayowoyapo yayi. Mu Baibolo nkhani ya kulera mulije. Ndipouli, fundo ya pa Ŵaroma 14:12 yingawovwira pa nkhani iyi. Baibolo likuti: ‘Waliyose wazamujipatawulira iyomwene kwa Chiuta.’

 Mfumu na muwoli ŵangasankha kubaba ŵana panji yayi. Kweniso ŵangasankha unandi wa ŵana awo ŵakukhumba na nyengo iyo ŵababirenge. Para mfumu na muwoli ŵakulera, nkhukhumba kwawo. Kweni ŵakwenera kusankha nthowa iyo yikuleka kufumiska nthumbo. Munthu waleke kuŵeruzga pa nkhani iyi.—Ŵaroma 14:4, 10-13.